Мегабайтҳо – ҳамчун туҳфа барои дақиқаҳои зангҳо дар VoLTE
ДУШАНБЕ, 24.08.2023 /АМИТ «Ховар»/. МегаФон Тоҷикистон иқдоми «VoLTE 2023»-ро оғоз менамояд. Дар смартфони худ технологияи VoLTE-ро фаъол намуда, алоқаи овозии сифати навро истифода баред. Барои ҳар дақиқаи суҳбат муштарӣ 1 Мб трафики интернетро ҳамчун туҳфа ба даст меорад. Мегабайтҳои туҳфавӣ дар як ҳафта як маротиба пешниҳод мегарданд. Иқдом то охири моҳи октябр давом менамояд.
VoLTE ё Voice over LTE — технологияи алоқа мебошад, ки барои якбора занг задан ва истифода бурдани интернети босуръат дар шабакаи 4G/LTE имконият медиҳад. Агар пештар барои занги овозӣ смартфон бояд аз шабакаи насли чорум ба 2G/3G мегузашт ва боз барқарор мешуд, пас ҳоло ин шарт нест. Афзалияти дигари VoLTE — пайвастшавии зуд бо ҳамсуҳбат ( ҳамагӣ 1,5 сония вақт мегирад) ва садои тоза мебошад.
Барои иштирок дар иқдоми «VoLTE 2023» муштарии ширкати «МегаФон Тоҷикистон» бояд тариқи суроғаи https://volte2023.megafon.tj/ ба қайд гирифта шуда, рақами абонентии худро нишон диҳад. Сипас — рамзи тасдиқи тавассути SMS-паёмаки аз оператор дастрасшуда ворид гардида, розигӣ бо шартҳои иқдом, бо пахши тугмаи «Иштирок кардан мехоҳам» баён мешавад. Пас аз ин дар танзимоти гаҷети худ VoLTE-ро фаъол намуда, тариқи технологияи нав занг зада метавонед.
Барои пайваст кардани хизматрасонӣ дар дастгоҳҳои Apple ба қисмҳои «Настройки» — «Сотовая связь» — «Параметры данных» — «Голос и данные / LTE» — «VoLTE» гузашта, воситаро фаъол созед.
Дар смартфонҳои Xiaomi (Redmi) самти амал чунин аст: «Настройки» — «SIM‑карты и мобильные сети» — «Настройки SIM‑карт» ё «Ваша SIM‑карта» — «VoLTE». Агар воситаи пайвасткунӣ/қатънамоӣ мавҷуд набошад, барои фаъол кардани технология рақамчинии USSD-дархости *#*#86583#*#* лозим меояд.
Дар дастгоҳҳои Samsung роҳи фаъолкунӣ чунин аст: «Настройки»- «Подключения» — «Мобильные сети». Дар ин банд воситаро дар ҳошияи «Вызовы по VoLTE» фаъол намоед.
Дар шабакаи 4G занг занед ва барои ҳар дақиқаи суҳбат бо садои тоза як мегабайт интернет ба даст оред!
АКС: ширкати МегаФон Тоҷикистон
ИСТИФОДАИ САМАРАНОКИ ЗАМИН. Сокини Ҷамоати деҳоти Ҳилолии ноҳияи Хуросон аз гармхонааш то се ҳосил мегирад
Дар Рашт оид ба тарбияи ҷавонон ҳамчун воситаи муҳим дар муқовимат ба коррупсия машғулият доир гардид
Имрӯз дар баъзе минтақаҳои Тоҷикистон борони кӯтоҳмуддати хусусияти селӣ дошта пешгӯӣ мешавад
ТАҚВИМИ АМИТ «ХОВАР»: имрӯз 27 май, чоршанбе, 147-умин рӯзи соли 2026 аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
