НАМОИШ-ФУРӮШИ МАҲСУЛОТИ КИШОВАРЗӢ. Аз ҷониби кишоварзони ноҳияи Ванҷ маҳсулоти мавриди ниёзи аввал ба сокинони Душанбе пешниҳод гардид

Август 19, 2023 12:26

ДУШАНБЕ, 19.08.2023. /АМИТ «Ховар»/. Субҳи имрӯз дар Боғи «Куруши Кабир»-и  шаҳри Душанбе намоиш-фурӯши маҳсулоти кишоварзии ноҳияи Ванҷ доир шуд, хабар медиҳад мухбири АМИТ «Ховар».

Ба сокинону меҳмонони шаҳри Душанбе кишоварзони ноҳияи Ванҷ зиёда аз 13 тонна маҳсулоти кишоварзӣ, аз ҷумла картошка, пиёз, сабзӣ, карам, лаблабу, помидор, донагӣ, меваҳои тару тоза, меваҳои хушк ва ғайра бо нархи нисбат ба бозор арзон пешниҳод намуданд.

Муовини Раиси ноҳияи Ванҷ Масрур Ғайратшозода иброз дошт, ки «дар доираи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон бахшида ба 32-солагии Истиқлоли давлатии Тоҷикистон имрӯз мо имрӯз ярмарка-фурӯши маҳсулотҳои кишоварзӣ, ҳунарҳои мардумии ноҳияро шаҳри Душанбе доир намудем. Кишоварзони ноҳияи Ванҷ бо заҳмати худ ва истифодаи самараноки заминҳои кишт дар фаровонии таъмини бозорҳои ноҳия ва ноҳияҳои атроф саҳми назаррас доранд».

Дар ноҳияи Ванҷ 14 ассотсиатсияи хоҷагиҳои деҳқонӣ фаъолият дорад, ки дар он 120 хоҷагии деҳқонии инфиродӣ бо 3217 саҳмдор дар 1458 гектар замини обӣ кишти маҳсулоти гуногуни кишоварзиро ба роҳ мондаанд.  Дар маҷмуъ заминҳои корами ноҳияи Ванҷ бештар аз 2 ҳазору 600 гектарро ташкил дода, аз ҷумла, бештар аз 1000 гектари онро боғу себзор дар бар мегирад. Кишоварзони ноҳия дар заминаи дастуру ҳидоятҳои Сарвари давлат боғҳои меваҳои содиротиро афзун намуда, аз ин ҳисоб ҳосили фаровон ба даст меоранд.

Тибқи маълумоти оморӣ, 85-90 дарсади аҳолии ноҳия ба кишоварзиву чорводорӣ ва боғдориву растанипарварӣ машғул буда, даромади аҳолӣ аслан аз ҳамин ҳисоб сарчашма мегирад.

Ёдовар мешавем, ки шоми имрӯз дар Боғи «Боғи Куруш»-и шаҳри Душанбе барномаи фарҳангии ноҳияи Ванҷ доир мегардад.

 

АКС: АМИТ «Ховар»

Август 19, 2023 12:26

Хабарҳои дигари ин бахш

Дар шимоли Фаронса бар асари тӯфон қариб 90 ҳазор хона бе барқ монд
«Таҳкими иқтидори мудофиавии Тоҷикистон-омили таъмини амнияти миллӣ». Таҳти ин унвон дар Душанбе ҳамоиш доир шуд
Ҳайати намояндагони Ҳизби Коммунистии Чин дар Осорхонаи миллии Тоҷикистон бо таъриху тамаддуни бостонии тоҷикон шинос гардиданд
Эмомалӣ Раҳмон: «Раванди таъмини сохторҳои низомӣ ва мақомоти ҳифзи ҳуқуқ бо беҳтарин шароиту имконият минбаъд низ идома меёбад»
Дар ноҳияи Мастчоҳ ба ифтихори Рӯзи Қувваҳои Мусаллаҳ афсарону сарбозони фаъолро ҳавасманд намуданд
РӮЗИ ҚУВВАҲОИ МУСАЛЛАҲ. Роҳбарият ва намояндагони шаҳри Ҳисор ба дидорбинии сарбозону афсарон рафтанд
Имрӯз дар Тоҷикистон ҳавои тағйирёбанда мешавад
РӮЗИ ДИЛОВАРОНИ ШУҶОИ ВАТАН. Дар Донишкадаи кӯҳию металлургии Тоҷикистон 31-солагии таъсиси Қувваҳои Мусаллаҳ таҷлил гардид
ШАҲРВАНДОНИ КОМИЛҲУҚУҚ. Ба 1152 хатмкунандаи муассисаҳои таълимии ноҳияи Восеъ шиноснома дода шуд
Финляндия дар бораи эпидемияи вирус байни кӯдакони хурд хабар додааст
Дар «Тоҷикфилм» Рӯзи Қувваҳои Мусаллаҳи Ҷумҳурии Тоҷикистонро таҷлил намуданд
МЕВАҲОИ ИСТИҚЛОЛ. Намоиш-фурӯши корҳои эҷодии донишҷӯёни Донишгоҳи давлатии Хуҷанд доир шуд