НИШАСТИ МАТБУОТӢ. Дар ноҳияи Ёвон бинои САҲШ кай ба истифода дода мешавад?
ЁВОН, 11.08.2023 /АМИТ «Ховар»/. Имрӯзҳо мутахассисони бахши Сабти асноди ҳолати шаҳрвандии ноҳияи Ёвон дар се ҳуҷраи хурд фаъолият доранд, ки дорои одитарин шароити корӣ ҳам нестанд. Дар як ҳуҷраи он кабинети мудири бахш ва дар ду ҳуҷраи хурди дигар бойгонӣ ҷойгир буда, мутахассисон ба зиёда аз 200 ҳазор сокинони ноҳияи Ёвон хизмат мерасонанд. Мутаассифона, аз сабаби муҳайё нагардидани шароит ҳамеша дар пушти дари ин бахш анбӯҳи зиёди корафтодагон дида мешавад. Вале ба ин мушкилӣ нигоҳ накарда, мутахассисони САҲШ-и ноҳияи Ёвон дар ҳуҷраҳои хурди пур аз корафтодагон ба сокинони ноҳия хизмат мерасонанд.
Масъулини Мақомоти иҷроияи ҳокимияти давлатии ноҳияи Ёвон 10 август зимни нишасти матбуотӣ ба саволи хабарнигори минтақавии АМИТ «Ховар» Субҳониддини Маҳмуд вобаста ба ин мушкилӣ иброз доштанд, ки «мо имконияти бо ҳуҷраи корӣ таъмин кардан ва инчунин сохтани бинои маъмурии САҲШ-ро надорем. Агар Вазорати адлияи ҷумҳурӣ барои бунёди бинои САҲШ-и ноҳия бо мо ҳамкорӣ намояд, мо метавонем қитъаи замин ҷудо созем».
Тибқи иттилои масъулини шуъбаи маорифи ноҳияи Ёвон, то оғози соли нави таҳсил дар муассисаҳои таълимии ноҳия баҳри бартараф намудани мушкилоти нарасидани ҷойи нишаст 44 синфхонаи иловагӣ ба истифода дода мешавад. Инчунин то охири соли 2023 бинои муассисаи таълимии рақами се барои 500 нафар хонанда дар ду баст ва бинои муассисаи таълимии рақами 69 барои 500 нафар хонанда дар ду баст сохта, ба истифода дода мешавад. Корҳои сохтмонӣ дар биноҳои иловагӣ ва муассисаҳои таълимии 5, 49, 8 муташаккилона идома доранд.
Талаботи ҷойи нишаст дар мактабҳои ноҳия ҳамасола зиёд мегардад. Барои мисол, соли 2023 дар ноҳияи Ёвон 2782 нафар мактабро хатм намуда, дар ҳамин сол дар муассисаҳои таълимӣ 7148 нафар кӯдакон ба синфи якум қабул шудаанд.
Барои сари вақт таъмин намудани хонандагон бо ҷойи нишаст Мақомоти иҷроияи ҳокимияти давлатии ноҳияи Ёвон нақшаи чорабиниҳо таҳия намуда, бо дастгирии соҳибкорону сокинон ва маблағгузории буҷети ноҳия давра ба давра синфхонаҳои иловагӣ ва биноҳои иловагиро ба истифода дода истодааст.
Субҳониддини МАҲМУД,
АМИТ «Ховар»
АКС: АМИТ «Ховар»
Дар ноҳияи Абдураҳмони Ҷомӣ ҷашни Ваҳдати миллиро бо намоиши ҳунарҳои мардумӣ ва дастовардҳои солҳои соҳибистиқлолӣ ҷашн гирифтанд
«САОДАТИ МИЛЛАТ ДАР ВАҲДАТ АСТ». Дар Китобхонаи миллӣ таҳти ин унвон ҳамоиш баргузор шуд
Иштирокчиёни экспедитсияи «Саёҳат ба қалби Авруосиё-2025» пойгоҳи кайҳонавардии Байконурро тамошо карданд
Ба ифтихори Рӯзи Ваҳдати миллӣ дар Кумитаи ҳифзи муҳити зист ҷамъомади тантанавӣ баргузор гардид
Имрӯз дар водиҳои Тоҷикистон ҳаво то 41 дараҷа гарм мешавад
Дар ҳошияи Соли фарҳанги китобхонӣ маҷмӯаи «Нома ба насли оянда» аз чоп баромад
Таҳти унвони «Забон, Ваҳдат ва суботи миллӣ» конференсияи илмию амалии ҷумҳуриявӣ доир шуд
Бахшида ба Рӯзи Ваҳдати миллӣ дар Саридораи геология ҳамоиш баргузор гардид
Дар Донишгоҳи технологии Тоҷикистон бахшида ба Рӯзи Ваҳдати миллӣ конфронси илмӣ-назариявӣ доир шуд
Бахшида ба Рӯзи Ваҳдати миллӣ китоби «Ваҳдатсаро» ба нашр расид
Кормандони Кумитаи ҳолатҳои фавқулода ва мудофиаи гражданӣ ҳаёти 16 нафарро ҳангоми ғарқшавӣ аз марг наҷот доданд
Дар Душанбе сеюмин Форуми Тоҷикистон ва Чин оид ба таҳсилоти муҳандисӣ-техникӣ доир шуд
