Сафари 5 гурӯҳи корӣ аз Тоҷикистон бо мақсади шиносоӣ бо вазъи зиндагӣ ва фаъолияти меҳнатии тоҷикони муқими Федератсияи Русия
ДУШАНБЕ, 10.08.2023. /АМИТ «Ховар»/. Аз ҳисоби намояндагон вазорату идораҳои дахлдори мамлакат 5 гурӯҳи корӣ бо мақсади шиносоӣ бо вазъи зиндагӣ ва фаъолияти меҳнатии тоҷикони муқими Федератсияи Русия ва гузаронидани корҳои фаҳмондадиҳӣ дар байни онҳо ба шаҳрҳои Москва, Санкт-Петербург, Екатеринбург, Уфа ва Новосибирск сафар намуданд. Дар ин хусус АМИТ «Ховар» бо истинод ба Вазорати меҳнат, муҳоҷират ва шуғли аҳолии Ҷумҳурии Тоҷикистон хабар медиҳад.
Дар доираи сафари мазкур дар шаҳри Москваи Федератсияи Русия мулоқоти ҳайати мазкур бо масъулони Сафорати Ҷумҳурии Тоҷикистон дар Федератсияи Русия ва аъзою фаъолони Шурои ҷамъиятии назди сафорат баргузор гардид.
Зимнан иброз гардид, ки байни Тоҷикистон ва Федератсияи Русия якчанд санади ҳамкорӣ ба имзо расидааст, ки дар асоси онҳо ҳуқуқ ва манфиатҳои муҳоҷирони меҳнатӣ, шаҳрвандони Ҷумҳурии Тоҷикистон дар Федератсияи Русия ҳифз мешаванд. Таъкид гардид, ки намояндагони сохтору мақомоти давлатии Ҷумҳурии Тоҷикистон, ки дар Федератсияи Русия фаъолият менамоянд, бояд ба муроҷиатҳои муҳоҷирони меҳнатӣ сари вақт ва фаврӣ вокуниш нишон диҳанд, онҳоро роҳнамоӣ ва ба мушкилоти ҳамватанони бурунмарзӣ мусоидати бештар намоянд.
Ҳамчунин доир ба масоили маънавӣ ва фарҳангии ҳамватанони бурунмарзӣ низ таваҷҷуҳи хосса зоҳир шуд.
Ҳамчунин мулоқоти роҳбарияти Вазорати меҳнат, муҳоҷират ва шуғли аҳолӣ бо муовини вазири меҳнат ва шуғли аҳолии Федератсияи Русия баргузор гардид. Дар он яке аз масъалаҳои асосӣ- ин иҷрои тавофуқҳое буд, ки дар чаҳорчӯби мулоқоти ҳамраисони Комиссияи байниҳукуматӣ оид ба ҳамкории иқтисодӣ байни Федератсияи Русия ва Ҷумҳурии Тоҷикистон — муовини Сарвазири Федератсияи Русия Марат Хуснуллин ва Сарвазири Ҷумҳурии Тоҷикистон Қоҳир Расулзода (дар масъалаи муҳоҷирати меҳнатӣ) матраҳ гардида буданд.
Зимни вохӯрӣ ҳамчунин масъалаҳои иҷрои Созишнома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи ҷалби муташаккилонаи шаҳрвандони Ҷумҳурии Тоҷикистон ба фаъолияти меҳнатии муваққатӣ дар қаламрави Федератсияи Русия, омода намудани муҳоҷирони меҳнатӣ пеш аз сафар, ташкил ва такмили таълими касбии муҳоҷирони меҳнатӣ дар муассисаҳои таҳсилоти ибтидоии касбӣ ва Маркази таълими калонсолони Тоҷикистон ба талаботи бозори меҳнати Русия ҷавобгӯ ва эҳтимоли омӯзиши касбии онҳо аз ҷониби корфармоёни Федератсияи Русия мавриди баррасӣ қарор дода шуданд.
Бояд гуфт, ки аз соли 2019 Созишнома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи ҷалби муташаккилонаи шаҳрвандони Ҷумҳурии Тоҷикистон ба фаъолияти меҳнатии муваққатӣ дар қаламрави Федератсияи Русия мавриди амал қарор дорад. Дар баробари ин, «Харитаи роҳ» ба имзо расидааст, ки дар он тадбирҳои мушаххас оид ба татбиқи созишномаи мазкур пешбинӣ шудаанд.
София ШОИК,
АМИТ «Ховар»
АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон








Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ






