Дар деҳаи Моҳпораи деҳоти Пушинги ноҳияи Данғара бунгоҳи саломатӣ ба истифода дода шуд
ДУШАНБЕ, 01.09.2023 /АМИТ «Ховар»/. Дар доираи сафари кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Моҳпораи деҳоти Пушинги ноҳияи Данғараи вилояти Хатлон бунгоҳи саломатӣ ба истифода дода шуд.
Таъкид гардид, ки рушди соҳаи тандурустӣ ва беҳтарсозии сифати хизматрасонии тиббӣ аз ҳадафҳои меҳварӣ дар сиёсати пешгирифтаи давлат ва Ҳукумати Ҷумҳурии Тоҷикистон буда, маҳз бо ҳамин мақсад ин бинои замонавӣ дар деҳаи Моҳпора бунёд ва дар он барои мардум шароити мусоид фароҳам гардид.
Намояндагони Ҳукумати Ҷумҳурии Тоҷикистон зимни ифтитоҳи бинои нави бунгоҳи саломатӣ таъкид намуданд, ки бо иқдому талошҳои созандаи Сарвари давлат муҳтарам Эмомалӣ Раҳмон ва дар доираи тадбирҳои ободонӣ ба истиқболи ҷашни 35-солагии Истиқлолияти давлатӣ шароити тамоми инфрасохтори сатҳи деҳот марҳила ба марҳила беҳтар гардида, барои сокинон шароити муосири кору хизматрасонӣ таъмин мешавад.
Мавриди тазаккур аст, ки қаблан сокинони деҳаи Моҳпора бо сабаби набудани чунин иншооти тиббии замонавӣ масофаи 15 километрро тай намуда, бо мушкилиҳои зиёд барои табобат ва расонидани кумаки аввалини тиббӣ ба маркази ноҳияи Данғара мерафтанд.
Акнун ин мушкилӣ бо саҳми соҳибкорону шахсони саховатманди деҳаи Моҳпора, Вазорати тандурустӣ ва ҳифзи иҷтимоии аҳолӣ дар кӯтоҳтарин муҳлат бартараф гардида, ҳоло табибон ба беш аз 100 хоҷагӣ хизмат мерасонанд. Иншоот аз 4 ҳуҷраи корӣ бо дарназардошти ҳуҷраи қабули беморон иборат буда, барои анҷоми саривақтии хизматрасонии тиббӣ тамоми таҷҳизоти зарурӣ ва маводи доруворӣ аз ҷониби
Вазорати тандурустӣ ва ҳифзи иҷтимоии аҳолӣ ва Мақомоти иҷроияи ҳокомияти давлатии ноҳия дастрас гардидааст.
Бо таваҷҷуҳ ва дастгириҳои Ҳукумати Ҷумҳурии Тоҷикистон ҷиҳати беҳтар сохтани инфрасохтори зарурӣ минбаъд тадбирҳои мушаххаси ободонӣ идома дода шуда, бо ин восита сатҳу сифати зиндагии сокинон боз ҳам беҳтар гардонида мешавад.
АКС аз бойгонии АМИТ «Ховар»
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷайҳун Муассисаи таҳсилоти миёнаи умумии рақами 53-ро ба истифода доданд
