Дар минтақаи Рашт 30 оилаи ниёзманд соҳиби манзили истиқоматӣ шуда, ду корхонаи саноатӣ фаъол гардид

Ноябрь 21, 2026 13:28

ДУШАНБЕ, 21.11.2026 /АМИТ «Ховар»/. Дар минтақаи Рашт ба ятимони кулл, шахсони дорои имконияти маҳдуд ва оилаҳои ниёзманди ноҳияҳои Рашт, Тоҷикобод, Лахш, Нуробод ва Сангвор 30 манзили истиқоматии бо тамоми шароити муосир муҷаҳҳаз тақдим карда шуд.

Тавре ба АМИТ «Ховар» аз Мақомоти иҷроияи ҳокимияти давлатии ноҳияи Рашт хабар доданд, дар маросими тақдими манзилҳо муовини Сарвазири Ҷумҳурии Тоҷикистон Сулаймон Зиёзода иштирок намуд. Манзилҳои истиқоматӣ бо ташаббус ва маблағгузории соҳибкори ватанӣ сохта шуда, ба оилаҳои ниёзманд тақдим гардиданд.

Тақдими хонаҳои истиқоматӣ ба оилаҳои ниёзманд иқдоми хайрхоҳона буда, ба беҳтар гардидани шароити зиндагии табақаҳои осебпазири ҷомеа ва таҳкими арзишҳои инсондӯстиву эҳсонкорӣ равона шудааст. Ин иқдом намунаи иштироки соҳибкорони ватандӯст дар татбиқи ташаббусҳои иҷтимоӣ ва дастгирии ҳамватанони ниёзманд мебошад.

Дар идомаи корҳои созандагӣ дар маҳаллаи 35-солагии Истиқлоли давлатии Ҷумҳурии Тоҷикистон коргоҳи дӯзандагӣ ва қаннодӣ ба фаъолият оғоз намуд. Баъди ба кор даромадани ин корхонаҳо беш аз 40 сокини маҳаллӣ соҳиби ҷойи нави кор гардид.

Ҳамзамон дар маҳалла майдончаи варзишии замонавӣ ва майдончаи бозии кӯдакона мавриди истифода қарор гирифтанд. Иншоот барои фароҳам овардани шароити мусоид барои машғул шудани кӯдакону наврасон ба варзиш, тарғиби тарзи ҳаёти солим ва ташкили фароғати онҳо пешбинӣ шудаанд.

Зимни маросими тақдими манзилҳо оилаҳои соҳиби хонагардида ба Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва соҳибкори саховатпеша барои дастгирию ғамхорӣ изҳори сипосу миннатдорӣ намуданд.

Татбиқи чунин иқдомҳои иҷтимоию созанда дар баробари беҳтар намудани шароити зиндагии оилаҳои ниёзманд ба рушди соҳибкорӣ, таъсиси ҷойи нави кор, таҳкими инфрасохтори маҳаллӣ ва ободонии шаҳру ноҳияҳои мамлакат мусоидат менамояд.

 АКС: Мақомоти иҷроияи ҳокимияти давлатии ноҳияи Рашт

Ноябрь 21, 2026 13:28

Хабарҳои дигари ин бахш

Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
Ба сохтмони бинои нави Коллеҷи омори шаҳри Ваҳдат санги асос гузошта шуд
Президенти Ҷумҳурии Тоҷикистон Эмомалӣ Раҳмон Беморхонаи байналмилалии Душанберо мавриди истифода қарор доданд
Сарвари давлат Эмомалӣ Раҳмон дар шаҳри Душанбе ҶДММ «Зари Душанбе»-ро ифтитоҳ намуданд
Пешвои миллат Эмомалӣ Раҳмон бинои шуъбаи Бозрасии давлатии автомобилии раёсати ВКД дар шаҳри Душанберо ифтитоҳ намуданд
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
Дар шаҳри Ҳисор Мактаби бачагонаи санъат ва майдончаи варзишӣ ба истифода дода шуданд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст