Дар Донишгоҳи миллии Тоҷикистон Маркази забони беларусӣ ва технологияи инноватсионӣ ифтитоҳ гардид
ДУШАНБЕ, 30.09.2023 /АМИТ «Ховар»/. Имрӯз дар заминаи ҳамкории мутақобилан судманди Ҷумҳурии Тоҷикистон бо Ҷумҳурии Беларус ва бо мақсади ба истифода додани Маркази забони беларусӣ ва технологияи инноватсионӣ дар факултети муштараки Донишгоҳи миллии Тоҷикистон бо муассисаҳои таҳсилоти олии Беларус намояндагони ин кишвар ба ДМТ ташриф оварданд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
Дар маросими кушодашавии Марказ Вазири кишоварзӣ ва хӯроквории Ҷумҳурии Белорус Сергей Бартош, ректори Донишгоҳи миллии Тоҷикистон, профессор Хушвахтзода Қобилҷон, роҳбарияти вазорати кишоварзии Тоҷикистон ва дигар меҳмонон аз сохторҳои илмию таълимии ҷумҳурӣ иштирок доштанд.
Зимни ифтитоҳи Маркази забони беларусӣ ва технологияи инноватсионӣ меҳмонон аз тамошои дастовардҳои илмию таълимии донишгоҳ ва истеҳсоли маҳсулоти Парки технологии донишгоҳ шинос шуданд.
Зимнан ректори донишгоҳ Қобилҷон Хушвахтзода доир ба вазъи илму таълими донишгоҳ ва робитаи он бо донишгоҳҳои хориҷи кишвар сухан гуфта, дар самти густариш бахшидани ҳамкориҳо дар заминаи факултети муштаракаи ДМТ бо муассисаҳои таҳсилоти олии Ҷумҳурии Беларус инчунин, ҷиҳати ҷоннок намудани ҳамкориҳои судманд дар соҳаи илму маориф таклифу пешниҳодҳои судманд намуд. Таъкид шуд, ки Донишгоҳи миллӣ бо донишгоҳҳои Ҷумҳурии Белорус ҳамкории судманд дорад ва дар доираи ин ҳамкорӣ факултети муштараки ДМТ бо МТО Беларус аз соли 2015 фаъолият мекунад.
Сипас меҳмонон аз Осорхона ва Маркази илмӣ-таҳқиқотии Пешвои миллат боздид намуда, бо тамоми маводи дар он маҳфуз буда ошноӣ пайдо карданд. Меҳмонон ба сохт ва маводи ҷамъоваришудаи Осорхона ва Маркази илмӣ-таҳқиқотии Пешвои миллат баҳои баланд доданд.
АКС: Донишгоҳи миллии Тоҷикистон
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
