Хизматчиёни давлатӣ бо ҷараёни корҳои сохтмонӣ дар Неругоҳи барқи обии «Роғун» шинос шуданд
ДУШАНБЕ, 26.09.2023 /АМИТ «Ховар»/. 60 нафар хизматчиёни давлатӣ бо ҷараёни корҳои сохтмонӣ дар Неругоҳи барқи обии «Роғун» шинос шуданд. Дар ин хусус ба АМИТ «Ховар» дар Агентии хизмати давлатии назди Президенти Ҷумҳурии Тоҷикистон хабар доданд.
Саёҳати хизматчиёни давлатӣ ба неругоҳи «Роғун» дар доираи машғулияти сайёри такмили ихтисос, ки аз 19 то 21 сентябр дар шаҳри Роғун барои хизматчиёни давлатии мақомоти иҷроияи маҳаллии ҳокимияти давлатӣ ва мақомоти худидоракунии шаҳрак ва деҳоти шаҳру ноҳияҳои тобеи ҷумҳурӣ гузаронида шуд, ташкил гардид.
Директори техникӣ Маҳмадсаид Шамсуллозода ва директори истеҳсолии ҶСК НБО «Роғун» Анвар Раҳмонов меҳмононро бо ҷараёни корҳои сохтмонии иншооти бузурги аср, толори агрегатҳои неругоҳ ва корҳои васлу насби он, сарбанд ва ядрои сарбанди асосӣ, қисматҳои баромадгоҳи нақбҳо ва дигар мавзеъҳои НБО-и «Роғун» шинос намуданд.
Инчунин дар маҷлисгоҳи неругоҳ вохӯрии роҳбарияти Агентии хизмати давлатӣ ва Академияи идоракунии давлатӣ бо хизматчиёни давлатӣ — шунавандагони даври сайёри такмили ихтисос ва кормандони НБО «Роғун» баргузор шуд.
Иброз гардид, ки «Роғун» манбаи нури ҳар хонадон, гармии қалби ҳар фарди Ватан, сарчашмаи иқболу сарбаландии мардуми тоҷик, кафолати рушди босуботи Тоҷикистон ва нуфузу обрӯи давлати соҳибихтиёри тоҷикон мебошад.
«НБО «Роғун»- беҳтарин ва бузургтарин дастоварди даврони Истиқлолияти давлатии Тоҷикистон аст. Маҳз дасти тавоно ва қалби пурҷӯшу пурэҳсони абармарди замон- Пешвои миллат муҳтарам Эмомалӣ Раҳмон номи «Роғун»-ро дубора зинда ва пуровоза намуд. Сохтмони НБО «Роғун» пайваста мавриди таваҷҷуҳи Сарвари давлат қарор дорад. Давра ба давра назди сохтмончиён омадану суҳбат оростан, ҳидоятҳои раҳнамунсозандаашон ба ҳар яки шумо қувваву неру ва болу пар мебахшад, имрӯз бояд ҳар фарди худогоҳу ватандӯст инро дарк намояд, ба қадри ҳама ин заҳматҳо ва дастоварду музаффарият расад ва дар пурра ба истифода додани ин Кохи нур саҳм гузорад»,- изҳор доштанд баромадкунандагон.
Барои фаъолияти назаррас ва саҳми муносиб дар сохтмони иншооти азими аср як зумра кормандону сохтмончиёни неругоҳ бо Ифтихорнома ва сипосномаҳои Агентии хизмати давлатӣ қадршиносӣ шуданд.
АКС: Агентии хизмати давлатии назди Президенти Ҷумҳурии Тоҷикистон
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
Эмомалӣ Раҳмон: «Волоияти қонун асоси устувории давлат ва шарти муҳими зиндагии осоиштаи мардум аст»
Дар марказҳои касбомӯзии Тоҷикистон беш аз 20 касби серталаб омӯзонида мешаванд
ОГОҲӢ! Аз 15 то 18 июл дар Тоҷикистон баландшавии ҳарорати ҳаво пешгӯӣ мешавад
Дар муассисаҳои таҳсилоти ибтидоӣ ва миёнаи касбӣ 25 ихтисоси нав дар соҳаи саноати металлургияи сиёҳ таъсис меёбад
