Маҳмадтоир Зокирзода: «Тоҷикистон ба ҷалби имконоти сармоягузории Корея ба бахшҳои гуногуни иқтисодӣ манфиатдор мебошад»
ДУШАНБЕ, 19.09.2023. /АМИТ «Ховар»/. 19 сентябр Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода дар доираи иштирок дар кори Конфронси якуми раисони парлумонҳои Корея ва Осиёи Марказӣ, ки дар шаҳри Сеул идома дорад, дар иҷлосияи пленарӣ дар мавзуи «Нигоҳ ва самти ҳамкории минтақавӣ байни Корея ва Осиёи Марказӣ: ҷаҳиши нав барои 30 соли оянда» суханронӣ намуд. Дар ин хусус ба АМИТ «Ховар» котиби матбуоти Маҷлиси намояндагон хабар дод.
Таъкид шуд, ки ин иҷлосия дар роҳи рушду таҳкими минбаъдаи муносибатҳои гуногунҷанбаи давлатҳои иштирокчӣ, аз ҷумла робитаҳои байнипарлумонӣ иқдоми муҳим хоҳад буд.
Иброз гардид, ки тӯли се даҳсола муносибатҳои давлатҳои Осиёи Марказӣ ва Корея дар заминаи ҳусни тафоҳум, эҳтироми мутақобила ва эътимод босуръат инкишоф ёфт. Дар ин замина иҷлосияи мазкур метавонад минбари пурсамар барои тавсеаи ҳамкории байни давлатҳо гардад.
«Тоҷикистон аз рӯзҳои аввали соҳибистиқлолӣ масъалаи таҳкими муносибатҳои гуногунҷанба бо давлатҳои Осиёи Марказӣ ва Ҷумҳурии Кореяро самти муҳими сиёсати хориҷии худ муайян намудааст, — изҳор дошт Маҳмадтоир Зокирзода. — Мо омодаем ҳамкории мутақобилан судмандро дар бахшҳои мухталифи иқтисод, сармоягузорӣ, фарҳанг ва дигар бахшҳое, ки ба манфиати давлатҳо мебошанд, таҳким бахшем».
Гуфта шуд, ки Тоҷикистон бо давлатҳои Осиёи Марказӣ ва Ҷумҳурии Корея равобити гуногунҷанба дорад ва метавон ҳамкории судманде дар соҳаҳои иқтисодӣ, гидроэнергетика, саноати нассоҷӣ, сабук, кимиё, хӯрокворӣ, истихроҷ ва коркарди маъданҳо ва металлҳои нодир, мошинсозӣ, дорусозӣ, кишоварзӣ, нақлиёт ва сайёҳӣ ба роҳ монд.
Тазаккур дода шуд, ки ба роҳ мондани шаклҳои нави ҳамкорӣ дар ин соҳаҳо метавонад омили рушди назарраси муносибатҳои тиҷоратию иқтисодии давлатҳои иштирокчӣ гардад.
Бо ин мақсад истифода бурдани иқтидори муассисаҳои молиявӣ, аз ҷумла Агентии Корея оид ба ҳамкории байналмилалӣ муҳим шуморида шуд.
«Дар ин замина мо ба ҷалби имконияти сармоягузории ҷониби Корея ба бахшҳои гуногуни иқтисоди Тоҷикистон манфиатдор мебошем. Мутмаинам, ки натиҷаи иҷлосияи имрӯза омили дигари муассири таҳкими ҳамкории мутақобилан судманди парлумонҳо гардида, дар муносибатҳои давлатҳо саҳифаи нав боз менамояд», — иброз намуд Раиси Маҷлиси намояндагон.
АКС: Маҷлиси намояндагони Маҷлиси Олии Ҷумҳурии Тоҷикистон
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
