ОМОДАГӢ БА ЗИМИСТОН. Дар Суғд ҷаласаи навбатии ситоди вилоятӣ баргузор шуд
ДУШАНБЕ, 18.09.2023. /АМИТ «Ховар»/. Дар Суғд ҷаласаи навбатии Ситоди вилоятии зимистонгузаронӣ баргузор гардид, ки дар кори он муовини якуми Раиси вилоят, аъзои Ситоди вилоятии омодагӣ ба мавсими тирамоҳу зимистони солҳои 2023-2024 ва муовинони раисони шаҳру ноҳияҳо иштирок намуданд. Дар ин хусус ба АМИТ «Ховар» дар Хадамоти матбуоти Раиси вилояти Суғд хабар доданд.
Дар ҷаласа таъкид шуд, ки ҷиҳати омодагӣ ба мавсими тирамоҳу зимистони солҳои 2023-2024 ва бо мақсади таъмини иҷрои қарори Ҳукумати Ҷумҳурии Тоҷикистон аз 28 марти соли 2023 Ситоди вилоятӣ таъсис ёфта, нақшаи чорабиниҳои омодагӣ ба мавсими тирамоҳу зимистони солҳои 2023-2024 иборат аз 27 банд тасдиқ шудааст.
Вобаста ба ин дар ҳамаи сохторҳои вилоятӣ ва шаҳру ноҳияҳо қарорҳои дахлдор ба имзо расида, ситодҳо таъсис дода шудаанд.
Иттилоъ дода шуд, ки барои давраи тирамоҳу зимистони солҳои 2023-2024 дар муассисаҳои маорифи вилоят талабот ба ангишт 17193,0 тонна ва ҳезум 8104,3 м3 муайян шудааст. Дар муассисаҳои нигаҳдории тандурустӣ захира намудани 5163,3 тонна ангишт ва 1431,6 м3 ҳезум ба нақша гирифта шуда, захиракунӣ дар арафаи анҷом қарор дорад.
Муовини якуми Раиси вилоят зимни таҳлили вазъи омодагӣ ба иҷрои пурраи нақша, захира намудани маҳсулоти хоҷагии қишлоқ ва захираи маводи асосии гармидиҳӣ ба мутасаддиён супоришҳо дод.
АКС: Хадамоти матбуоти Раиси вилояти Суғд
Дар минтақаи таълимию таҷрибавии «Хуррамзамин» боғи интенсивӣ бунёд мешавад
Аз ҷониби кормандони мақомоти гумрук дар Душанбе муомилоти ғайриқонунии маводи тарфгарӣ пешгирӣ карда шуд
Дар Тоҷикистон баландшавии ҳолати ифлосшавии ҳаво дар назар аст
Дар Донишкадаи давлатии санъати тасвирӣ ва дизайни Тоҷикистон 14 намоиш гузаронида шуд
Ҳавопаймои «Azerbaijan Airlines» дар наздикии шаҳри Актауи Қазоқистон суқут кард
Дар Душанбе масъалаи ҳифзи ҳуқуқҳои шахсони маъюб баррасӣ шуд
«Рақам» барои Суғд. Чӣ тавр МегаФон Тоҷикистон интернети мобилиро дар минтақа рушд медиҳад?
Дар Донишгоҳи давлатии Кӯлоб бахшида ба 100-солагии мунаққиди тоҷик Соҳиб Табаров ҳамоиш баргузор шуд
Кумитаи ҳолатҳои фавқулода ва мудофиаи граждании Тоҷикистон соҳиби 15 техникаи вазнин барои корҳои наҷот гардид
Имрӯз дар Тоҷикистон ҳаво тағйирёбандаи бебориш мешавад
ОБОДОНӢ ДАР ДЕҲОТ. Роҳи деҳаи Сари Чашмаи ноҳияи Файзобод мумфарш карда шуд
Аёдати беморон ва дидорбинии собиқадорон амали хайр аст
