Тоҷикистон ва Белгия доираи васеи ҳамкориро мавриди баррасӣ қарор доданд
ДУШАНБЕ, 22.09.2023. /АМИТ «Ховар»/. 22 сентябр дар шаҳри Брюссел Прокурори генералии Ҷумҳурии Тоҷикистон Юсуф Раҳмон бо Прокурори генералии Подшоҳии Белгия Фредерик Ван Лёв, Директори генералии Хадамоти муҳоҷирати Вазорати корҳои дохилии Подшоҳии Белгия Фредди Рузмонт ва роҳбари Гурӯҳи ҳамоҳангсози Подшоҳии Белгия оид ба таҳлили хатарҳо (CUTA) Герт Веркутерен вохӯриҳо анҷом дод. Дар ин хусус ба АМИТ «Ховар» дар Прокуратураи генералии Ҷумҳурии Тоҷикистон хабар доданд.
Зимни вохӯриҳо доираи васеи ҳамкории ҳуқуқии байни ду давлат, рафти баррасии лоиҳаҳои созишномаҳо дар бораи истирдоди ҷинояткорон, расонидани ёрии ҳуқуқӣ оид ба парвандаҳои ҷиноятӣ, бозпас додани маҳкумшудагон барои адои минбаъдаи ҷазо, муқовимати муштарак ба терроризм ва экстремизм, ҷиноятҳои муташаккили фаромиллӣ, киберҷиноятҳо, муомилоти ғайриқонунии воситаҳои нашъадор ва дигар масъалаҳои мубрам баррасӣ гардиданд.
Масъалаҳои содагардонии будубоши шаҳрвандони Ҷумҳурии Тоҷикистон дар ҳудуди Подшоҳии Белгия, қабул кардани шаҳрвандони дар ҳудуди якдигар ғайриқонунӣ қарордошта ва сода намудани реҷаи раводид барои шахсони дорои мақоми махсус аз зумраи масъалаҳое буданд, ки дар Хадамоти муҳоҷирати Вазорати корҳои дохилӣ баррасӣ шуданд.
Дар вохӯрӣ бо роҳбари Гурӯҳи ҳамоҳангсози Подшоҳии Белгия оид ба таҳлили хатарҳо (CUTA), ки дорои ваколатҳои монанд ба Маркази ягонаи итилоотӣ оид ба пешгирии экстремизм, терроризм ва киберҷиноятҳои Прокуратураи генералии Ҷумҳурии Тоҷикистон мебошад, ба мувофиқа расида шуд, ки ду Марказ байни худ ҳамкории судмандро ба роҳ монда, дар ин ҷода ҳуҷҷатҳои дахлдори ҳамкорӣ ба имзо расонанд.
АКС: Прокуратураи генералии Ҷумҳурии Тоҷикистон
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
Нисбат ба беш аз 1300 волидайн барои бемасъулиятӣ дар тарбияи фарзанд санади маъмурӣ тартиб дода шуд
Ба ноҳияи Лахш як экскаватор ва як мошини пуриқтидори сӯхторхомӯшкунӣ ворид карда шуд
Мулоқоти Президенти Покистон Осиф Алӣ Зардорӣ бо Вазири мудофиаи Тоҷикистон Эмомалӣ Собирзода дар Исломобод
Дар Остона Ҷаласаи XXIII Комиссияи байнидавлатии ҳамкории ҳарбӣ-иқтисодии СААД баргузор гардид
Дар Исломобод мулоқоти Вазири мудофиаи Тоҷикистон бо раиси Кумитаи муштараки сардорони ситодҳои Қувваҳои Мусаллаҳи Покистон баргузор гардид
Нақшаи даъвати ҳарбӣ дар Тоҷикистон қариб 96 фоиз иҷро гардид
