Вазири адлияи Тоҷикистон дар Машварати даҳуми вазирони адлияи давлатҳои аъзои Созмони ҳамкории Шанхай иштирок намуд
ДУШАНБЕ, 06.09.2023 /АМИТ «Ховар»/. 5 сентябр дар шаҳри Шанхайи Ҷумҳурии Мардумии Чин Машварати даҳуми вазирони адлияи давлатҳои аъзои Созмони ҳамкории Шанхай баргузор шуд, ки дар он Вазири адлияи Ҷумҳурии Тоҷикистон Музаффар Ашуриён иштирок намуд. Дар ин хусус ба АМИТ «Ховар» дар Вазорати адлия хабар доданд.
Дар машварат ҳамчунин вазирони адлияи Русия, Чин, Қазоқистон, Ҳиндустон, Покистон, Қирғизистон, Узбекистон, Эрон, Прокурори генералии Ҷумҳурии Исломии Покистон ва Котиби генералии Созмони ҳамкории Шанхай иштирок намуданд.
Дар машварати вазирон мавзуъҳои навоварӣ дар фаъолияти вазоратҳои адлия, дурнамои ҳамкорӣ ва рушди соҳаҳои хизматрасонии давлатӣ ва экспертизаи судӣ байни вазоратҳои адлияи давлатҳои аъзои Созмони ҳамкории Шанхай муҳокима гардиданд.
Пас аз ҷамъбасти машварат вазирони адлияи давлатҳои аъзои Созмони ҳамкории Шанхай изҳороти муштарак ба имзо расониданд.
Инчунин 6 сентябр Вазири адлияи Ҷумҳурии Тоҷикистон Музаффар Ашуриён бо Вазири адлияи Ҷумҳурии Мардумии Чин Хэ Жун мулоқот намуд.
Дар мулоқот самтҳои асосии рушди ҳамкории дуҷониба мавриди муҳокима қарор гирифтанд.
Тарафҳо оид ба ҳолат ва сатҳи ҳамкории дуҷониба изҳори ақида намуда, бо пешниҳоди ҷониби Тоҷикистон ҷониби Чин омодагии худро ба мусоидат ба такмили ихтисоси кормандон, аз ҷумла коршиносони экспертизаи судӣ-криминалистӣ, расонидани кумаки техникӣ ҷиҳати рақамикунонии хизматрасонии давлатӣ изҳор намуд.
АКС: Вазорати адлияи Ҷумҳурии Тоҷикистон
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
