Ҳайати Донишкадаи кӯҳию металлургии Тоҷикистон дар конференсияи байналмилалӣ дар Чин иштирок дорад
ДУШАНБЕ, 23.10.2023 /АМИТ «Ховар»/. Устодони Донишкадаи кӯҳию металлургии Тоҷикистон дар конференсияи байналмилалӣ дар мавзуи «Таҳқиқот ва татбиқи металлургияи камкарбон ва дарёфти роҳҳои нави истеҳсолот бо энергияи «сабз»», ки дар Донишгоҳи марказии ҷанубии шаҳри Чаншаи Ҷумҳурии Мардумии Чин мегузарад, иштирок доранд.
Тавре аз Донишкадаи кӯҳию металлургии Тоҷикистон ба АМИТ «Ховар» хабар доданд, конференсия 17 октябр оғоз гардида, то 24 октябр идома меёбад. Дар он олимони 60 давлати ҷаҳон иштирок доранд. Ҳаёт Раҳимов аз рӯи технологияи ихтироънамудаи худ маърузаи илмӣ намуда, аз тарафи олимони сатҳи ҷаҳони баҳои хуби илмиро соҳиб шуд.
Бояд гуфт, ки дар натиҷаи амалӣ намудани корҳои илмию таҳқиқотии таҳқиқотчиёни кафедраи металлургияи Донишкадаи кӯҳию металлургии Тоҷикистон дар ҳамбастагӣ бо Маркази таҳқиқотии технологияҳои инноватсионии Академияи миллии илмҳои Тоҷикистон усули муосири истеҳсоли металли сурма бо истифода аз реагенти дохилии воридотивазкунанда ихтироъ гардидааст, ки арзиши истеҳсоли металлро ба куллӣ кам ва ҳамзамон масъалаҳои экологияро дар минтақае, ки корхонаҳои коркард ҷойгир ҳастанд, беҳтар менамояд.
АКС аз Ҳаёт Раҳимов
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
Маркази миллии тестӣ гурӯҳи ихтисосҳои серинтихобро номбар намуд
Дар Донишкадаи кӯҳию металлургии Тоҷикистон 27 ихтисоси нав дар соҳаи технология ва металлургияи металлҳои сиёҳ ташкил мешавад
Қабули ҳуҷҷатҳо барои иштирок дар Стипендияи байналмилалии Президенти Тоҷикистон «Дурахшандагон» оғоз ёфт
НИШАСТИ МАТБУОТӢ. Имсол дар нақшаи қабул ба муассисаҳои таҳсилоти олӣ ва миёнаи касбӣ 10 ҳазор ҷой зиёд ҷудо гардид
Дар Донишгоҳи давлатии Хоруғ Мактаби байналмилалии тобистона оид ба омӯзиши криосфера ба фаъолият оғоз намуд
«БЕҲТАРИНИ ОСИЁ – 2026». Навраси тоҷик сазовори ҷоизаи байналмилалӣ шуд
Моҳи ноябр доир ба саҳми Борбади Марвазӣ дар рушди мусиқӣ конфронси байналмилалӣ баргузор мегардад
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои пешрафтаи Чину Ҷопон тақвият меёбад
Дар Донишгоҳи давлатии молия ва иқтисоди Тоҷикистон 140 донишҷӯи хориҷӣ таҳсил мекунад
Дар Тоҷикистон барои хонандагони синфи якум давраи мутобиқшавӣ гузаронида мешавад
НИШАСТИ МАТБУОТӢ. 83 нафар Донишгоҳи давлатии молия ва иқтисоди Тоҷикистонро бо дипломи аъло хатм намуданд
