ЛИГАИ ЧЕМПИОНҲОИ ОСИЁ-2023/24. «Истиқлол» ба муқобили ҳамдастаҳои Криштиану Роналду бозии арзанда намуд
ДУШАНБЕ, 03.10.2023 /АМИТ «Ховар»/. Шаби 2 октябр дар варзишгоҳи «Ал-Аввал Парк»-и шаҳри Риёз бозии даври дуюми марҳилаи гурӯҳии Лигаи чемпионҳои Осиё дар гурӯҳи «Е» байни дастаҳои футболи «Ал-Наср»-и Арабистони Саудӣ ва «Истиқлол»-и шаҳри Душанбе баргузор гардида, бо ҳисоби 3 бар 1 ба нафъи дастаи футболи «Ал-Наср»-и Арабистони Саудӣ анҷом ёфт. Дар ин хусус шореҳи варзиши АМИТ «Ховар» хабар медиҳад.
Дар қисми аввали бозӣ дастаи футболи «Истиқлол»-и шаҳри Душанбе дар ҳисоб пешсаф буд. Сенин Себай дар дақиқаи 44-ум голи дастаи футболи «Истиқлол»-ро ба нишон расонид. Ин аввалин голи дастаи «Истиқлол» дар Лигаи чемпионҳои Осиё дар мавсими 2023/24 маҳсуб мешуд.
Қисми дуюми бозӣ комилан ранги дигар гирифт. Ситораи асосии дастаи футболи «Ал-Наср» — Криштиану Роналду дар дақиқаи 66-ум ҳисобро мусовӣ: 1 бар 1 намуд. Ин голи аввали Роналду дар Лигаи чемпионҳои Осиё буд. Бо гузаштани 6 дақиқа бозингари бразилӣ Андерсон Талиска бо сар тӯбро вориди дарвозаи Рустам Ятимов намуд.
Дар дақиқаи 77-уми бозӣ пас аз бозии хуби Ғариб ва Талиска дар канори рост ҳисоб 3 бар 1 гардид. Талиска бо зарбаи қавӣ голи дуюмашро дар ин вохӯрии ҷолиб ба нишон расонид.
Инчунин дар бозии дигари гурӯҳ дастаи футболи «Ал-Дуҳайл»-и Қатар бо ҳисоби 0 бар 1 аз дастаи «Персеполис»-и Эрон мағлуб шуд. Ягона голро Умид Алишоҳ ба ҳадаф расонид.
Ёдовар мешавем, ки дар даври 3-юми бозиҳои марҳилаи гурӯҳии Лигаи чемпионҳои Осиё 24 октябр дастаи футболи «Истиқлол»-и шаҳри Душанбе дар сафар бо дастаи «Персеполис»-и Эрон ва дастаи «Ал-Наср»-и Арабистони Саудӣ дар ҳамин рӯз дар сафар бо дастаи футболи «Ал-Дуҳайл»-и Қатар вориди майдон мешаванд.
АКС аз сомонаҳои боз
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
