ЛИГАИ ЧЕМПИОНҲОИ ОСИЁ-2023/24. Замони баргузории бозии дастаҳои «Истиқлол» бо «Персеполис» ва «Ал-Наср» бо «Ал-Дуҳайл»-и Қатар муайян шуд
ДУШАНБЕ, 11.10.2023 /АМИТ «Ховар»/. Чемпиони Тоҷикистон — дастаи футболи «Истиқлол»-и шаҳри Душанбе дар даври 3-юми бозиҳои марҳилаи гурӯҳии Лигаи чемпионҳои Осиё 24 октябр дар сафар бо дастаи футболи «Персеполис»-и Эрон ва дастаи «Ал-Наср»-и Арабистони Саудӣ дар ҳамин рӯз дар сафар бо дастаи футболи «Ал-Дуҳайл»-и Қатар бо ҳам рақобат менамоянд. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
2 октябр дар варзишгоҳи «Ал-Аввал Парк»-и шаҳри Риёз бозии даври дуюми марҳилаи гурӯҳии Лигаи чемпионҳои Осиё дар гурӯҳи «Е» байни дастаҳои футболи «Ал-Наср»-и Арабистони Саудӣ ва «Истиқлол»-и шаҳри Душанбе дар сатҳи баланд баргузор гардида, бо ҳисоби 3 бар 1 ба нафъи дастаи футболи «Ал-Наср»-и Арабистони Саудӣ анҷом ёфта буд. Дар қисми аввали бозӣ дастаи футболи «Истиқлол»-и шаҳри Душанбе дар ҳисоб пешсаф буд. Сенин Себай дар дақиқаи 44-ум голи дастаи футболи «Истиқлол»-ро ба нишон расонид. Ин аввалин голи дастаи «Истиқлол» дар Лигаи чемпионҳои Осиё дар мавсими 2023/24 маҳсуб мешавад.
Қисми дуюми бозӣ комилан ранги дигар гирифт. Ситораи асосии дастаи футболи «Ал-Наср» — Криштиану Роналду дар дақиқаи 66-ум ҳисобро мусовӣ: 1 бар 1 намуд. Ин голи аввали Роналду дар Лигаи чемпионҳои Осиё буд. Бо гузаштани 6 дақиқа бозингари бразилӣ Андерсон Талиска бо сар тӯбро вориди дарвозаи Рустам Ятимов намуд. Дар дақиқаи 77-уми бозӣ пас аз бозии хуби Ғариб ва Талиска дар канори рост ҳисоб 3 бар 1 гардид. Талиска бо зарбаи қавӣ голи дуюмашро дар ин вохӯрии ҷолиб ба нишон расонид.
Дар бозии дигари гурӯҳ дастаи футболи «Ал-Дуҳайл»-и Қатар бо ҳисоби 0 бар 1 аз дастаи футболи «Персеполис»-и Эрон мағлуб шуд. Ягона голро Умид Алишоҳ ба ҳадаф расонид.
Ёдовар мешавем, ки 19 сентябр дар Варзишгоҳи марказии шаҳри Душанбе бозии даври аввали марҳилаи гурӯҳии Лигаи чемпионҳои Осиё-2023/24 байни Чемпиони Тоҷикистон- «Истиқлол»-и Душанбе ва «Ал-Дуҳайл»-и Қатар дар сатҳи баланд доир шуда, бо натиҷаи мусовии 0 бар 0 ба анҷом расида буд.
АКС: Федератсияи футболи Тоҷикистон
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
