Намояндагони Тоҷикистон дар Саммити глобалии сатҳи баланд оид ба ғизои мактабӣ дар Фаронса иштирок доранд
ДУШАНБЕ, 19.10.2023. /АМИТ «Ховар»/. 18 октябр дар шаҳри Парижи Фаронса Саммити глобалии сатҳи баланд оид ба ғизои мактабӣ ба кор шуруъ намуд, ки дар он намояндагони Ҷумҳурии Тоҷикистон таҳти роҳбарии муовини Вазири маориф ва илми Ҷумҳурии Тоҷикистон Дилшод Сафарзода иштирок доранд. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Дар рӯзи нахусти Саммит намояндагони Ҷумҳурии Тоҷикистон аз уҳдадориҳои ин давлат дар самти таъмини муассисаҳои таълимӣ бо ғизои мактабӣ маълумот дода, дар маросими расмии супоридани санад оид ба уҳдадорӣ – Эътилофи ғизои мактабӣ, ки аз ҷониби Вазири маориф ва илм Раҳим Саидзода имзо шуда буд, иштирок намуданд.
Дар маросими расмӣ таъкид гардид, ки Ҷумҳурии Тоҷикистон аввалин давлат аз Осиёи Марказӣ аст, ки моҳи апрели соли равон ба Эътилофи ҷаҳонии ғизои мактабӣ ҳамроҳ шуд. Уҳдадориҳо дар назди Эътилофи ҷаҳонӣ дар асоси ҳадафҳо ва вазифаҳои Барномаи миллии рушди ғизои мактабӣ, ки аз ҷониби Ҳукумати Ҷумҳурии Тоҷикистон қабул шуда, нақшаи татбиқи он то соли 2027 идома меёбад, татбиқ мешаванд.
Ёдовар мешавем, ки Саммити глобалии сатҳи баланд оид ба ғизои мактабӣ ду рӯз идома ёфт ва имрӯз анҷом меёбад.
АКС: Маркази матбуоти Вазорати маориф ва илми Ҷумҳурии Тоҷикистон
Дар Тоҷикистон ба як омӯзгор 18 хонанда рост меояд
Хонандагони фаъоли пойтахт дар истироҳатгоҳи тобистонаи беруназшаҳрии «Шарора» таътили босамар мегузаронанд
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
Маркази миллии тестӣ гурӯҳи ихтисосҳои серинтихобро номбар намуд
Дар Донишкадаи кӯҳию металлургии Тоҷикистон 27 ихтисоси нав дар соҳаи технология ва металлургияи металлҳои сиёҳ ташкил мешавад
Қабули ҳуҷҷатҳо барои иштирок дар Стипендияи байналмилалии Президенти Тоҷикистон «Дурахшандагон» оғоз ёфт
НИШАСТИ МАТБУОТӢ. Имсол дар нақшаи қабул ба муассисаҳои таҳсилоти олӣ ва миёнаи касбӣ 10 ҳазор ҷой зиёд ҷудо гардид
Дар Донишгоҳи давлатии Хоруғ Мактаби байналмилалии тобистона оид ба омӯзиши криосфера ба фаъолият оғоз намуд
«БЕҲТАРИНИ ОСИЁ – 2026». Навраси тоҷик сазовори ҷоизаи байналмилалӣ шуд
Моҳи ноябр доир ба саҳми Борбади Марвазӣ дар рушди мусиқӣ конфронси байналмилалӣ баргузор мегардад
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои пешрафтаи Чину Ҷопон тақвият меёбад
Дар Донишгоҳи давлатии молия ва иқтисоди Тоҷикистон 140 донишҷӯи хориҷӣ таҳсил мекунад
