ҶОМИ КФО-2023/24. Бозии дастаҳои «Равшан» ва «Алтин Асир» мусовӣ анҷом ёфт
ДУШАНБЕ, 06.10.2023. /АМИТ «Ховар»/. 5 октябр дар шаҳри Ашқободи Туркманистон бозии даври дуюми марҳилаи гурӯҳии Ҷоми КФО-2023/24 дар минтақаи марказӣ байни дастаҳои футболи «Олтин Асир»-и Туркманистон ва барандаи медали нуқраи чемпионати Тоҷикистон дар мавсими гузашта- «Равшан»-и шаҳри Кӯлоб баргузор гардид. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Вохӯрии дастаҳои футболи «Олтин Асир»-и Туркманистон ва «Равшан»-и шаҳри Кӯлоб дар варзишгоҳи «Ашқобод» дар ҳузури 16 000 нафар мухлис баргузор шуда, бо ҳисоби мусовии 1 бар 1 ба анҷом расид. Тӯбҳоро аз ҳайати дастаи «Равшан»-и шаҳри Кӯлоб – Эммануэл Мваненго дар дақиқаи 17-ум ва аз ҳайати мизбонон Оразсаҳед Муратбердиев дар дақиқаи 52-юм ба нишон расониданд.
Ҳоло барандаи медали нуқраи чемпионати Тоҷикистон дар мавсими гузашта- дастаи футболи «Равшан»-и шаҳри Кӯлоб дар даври навбатии марҳилаи гурӯҳии Ҷоми КФО-2023/24 бо дастаи «Абдиш-Ата» -и чемпиони Қирғизистон бозӣ менамояд. Ин дидор 26 октябр, соати 19:00 дар Варзишгоҳи марказии шаҳри Ҳисор баргузор мешавад.
Ёдовар мешавем, ки дар даври аввал дастаи футболи «Равшан»-и шаҳри Кӯлоб бо дастаи «Марв»-и Туркманистон бо ҳисоби мусовии 0 бар 0 дар шаҳри Ҳисор бозӣ намуда буд.
АКС: Федератсияи футболи Тоҷикистон
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
