Рустами Эмомалӣ: «Барои Тоҷикистон густариши ҳамкории тиҷоративу иқтисодӣ бо давлатҳои минтақа ва ҷаҳон самти муҳим маҳсуб меёбад»
ДУШАНБЕ, 01.10.2023. /АМИТ «Ховар»/. Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ зимни суханронӣ дар маросими ифтитоҳи «Форуми байналмилалии сармоягузории Душанбе – 2023» тазаккур доданд, ки бо назардошти тадриҷан ҷорӣ намудани «иқтисоди сабз» ҳамкории мо метавонад дар таъсиси корхонаҳои муштарак дар Тоҷикистон ҳамчун самти ояндадор саҳми арзанда гузорад.
Дар идома таъкид гардид, ки барои Тоҷикистон густариши ҳамкории тиҷоративу иқтисодӣ бо давлатҳои минтақа ва ҷаҳон дар заминаи азхудкунии иқтидорҳои бузурги мамлакат дар соҳаи гидроэнергетика самти муҳим маҳсуб меёбад.
Рустами Эмомалӣ иброз доштанд, ки Ҳукумати мамлакат бо дастгирии ниҳодҳои молиявии байналмилалӣ ва давлатҳои шарик дар самти тавсеаи бахши гидроэнергетикаи Тоҷикистон нақшаҳои азимро тавассути бунёди иқтидорҳои нави тавлиди неру ва шабакаҳои интиқоли барқ амалӣ менамояд.
Ба таъкиди Рустами Эмомалӣ, ин тадбирҳо ва афзун намудани иқтидори инноватсионии истеҳсолот, баланд бардоштани самаранокии истифодаи захираву имконият дар ҳама соҳаҳо ва рушди неруи инсонӣ ҳамчун самти муҳимми ба рушди устувори мамлакат нигаронидашуда минбаъд низ идома дода хоҳанд шуд.
АКС: АМИТ «Ховар»
ДУШАНБЕ — ҚАЛБИ ТОҶИКИСТОН. Таҳти ин унвон конференсияи ҷумҳуриявии илмӣ – амалӣ баргузор шуд
35 ШОҲКОРӢ ДАР ДУШАНБЕ. Дар даврони соҳибистиқлолӣ пойтахти Тоҷикистон ба яке аз шаҳрҳои зеботарини минтақа табдил ёфт
«БУРҶИ ДУШАНБЕ» — 77 ОШЁНА ВА 340 МЕТР БАЛАНДӢ. Сохтмони баландтарин иншоот дар пойтахти Тоҷикистон оғоз гардид
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Имсол кӯчаи Абдулаҳад Қаҳҳоров мавриди истифода қарор дода мешавад
Шумораи воситаҳои нақлиёти мусофирбар дар шаҳри Душанбе 20 фоиз зиёд карда шуд
ДУШАНБЕИ ИДОНА. Дар пойтахти Тоҷикистон ба истиқболи 35-солагии Истиқлоли давлатӣ омодагӣ мегиранд
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
35-СОЛАГИИ ИСТИҚЛОЛИЯТИ ДАВЛАТӢ. Дар пойтахти Тоҷикистони соҳибистиқлол — Душанбе лоиҳаҳои азими роҳсозӣ татбиқ гардиданд
Дар ноҳияи Фирдавсии пойтахт корхонаи истеҳсолии ҶСП «Нур Пласт» ба истифода дода шуд
РУШДИ БЕСОБИҚАИ ДУШАНБЕ ДАР 35 СОЛИ СОҲИБИСТИҚЛОЛӢ. Мулоҳизаҳои муовини Раиси Маҷлиси намояндагон Мавсума Муинӣ
35-СОЛАГИИ ИСТИҚЛОЛИ ДАВЛАТӢ. Дар ноҳияҳои Сино ва Шоҳмансури шаҳри Душанбе иншооти муҳим ба истифода дода шуданд
