Сарвазири Ҷумҳурии Тоҷикистон Қоҳир Расулзода дар ноҳияи Ҷалолиддини Балхӣ муассисаи таълимӣ ва маркази саломатиро ба истифода дод
ДУШАНБЕ, 03.10.2023 /АМИТ «Ховар»/. Дар идомаи сафари корӣ ба вилояти Хатлон Сарвазири Ҷумҳурии Тоҷикистон Қоҳир Расулзода ва раиси вилоят Давлаталӣ Саид дар ноҳияи Ҷалолиддини Балхӣ муассисаи таълимӣ ва маркази саломатиро ифтитоҳ намуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.
Гуфта шуд, ки муассисаи таҳсилоти миёнаи умумии №35 дар деҳаи Комсомоли Ҷамоати деҳоти Навобод ҷойгир шудааст. Дар муассиса 653 хонанда, аз ҷумла 353 духтар ба таълиму тарбия фаро гирифта шудаанд. Шумораи омӯзгорон 45 нафарро ташкил медиҳад.
Дар муассиса 13 синфхона мавҷуд буда, айни замон сохтмони 5 синфхонаи дигар ба анҷом расонида шуд. Панҷ синфхонаи иловагии таълимӣ аз тарафи мақомоти иҷроияи ҳокимияти давлатии ноҳия ва шахсони саховатпеша ба тариқи ҳашар сохта шудаанд.
Иттилоъ дода шуд, ки маркази саломатии хусусии «Рустам» дар деҳаи Узуни Ҷамоати деҳоти Золи Зар ҷойгир шудааст. Марказ сеошёна буда, аз тарафи соҳибкори маҳаллӣ Эмомалӣ Раҷабзода бунёд гардидааст.
Дар идома Сарвазири Ҷумҳурии Тоҷикистон Қоҳир Расулзода бо ҷамъоварии ҳосили пахта дар хоҷагии ба номи Ниёзмуҳаммад Бегов шинос шуд.
Дар деҳаи Комсомол дар ҳудуди хоҷагии Ниёзмуҳаммад Бегов аз тарафи шаҳрванд Қобил Наҷмиддинов 13 гектар замин иҷора гирифта, пахта корида шудааст.
Бояд гуфт, ки хоҷагии Ниёзмуҳаммад Бегов яке аз хоҷагиҳои калон дар ҳудуди ноҳия ва вилоят ба ҳисоб рафта, 1506 гектар заминро фаро мегирад. Дар хоҷагӣ тамоми намуди маҳсулоти кишоварзӣ кишт карда мешавад. Асоси кори хоҷагиро пахтакорӣ ва чорводорӣ ташкил медиҳад.
Сарвазири мамлакат оид ба тезонидани суръати чиниши пахта бо назардошти барвақт фаро расидани фасли сармо ва ҷамъоварии саривақтии андозҳо дастуру супоришҳои мушаххас дод.
АКС: Мақомоти иҷроияи ҳокимияти давлатии вилояти Хатлон
Муовини Сарвазири Тоҷикистон бо муовини Сарвазири Узбекистон мулоқот намуд
Меҳмонони Форуми байналмилалии занон Маҷмааи таърихию фарҳангии «Қалъаи Хуҷанд»-ро тамошо намуданд
Дар моҳи апрел ҳаво дар Тоҷикистон чӣ гуна мешавад?
Сарвари давлат Эмомалӣ Раҳмон бо фаъолони соҳаи саноати вилояти Суғд мулоқот намуданд
Пешвои миллат Эмомалӣ Раҳмон дар ноҳияи Бобоҷон Ғафуров ба сохтмони корхонаи ғанигардонии маъдани оҳани ҶСП «Комбинати металлургии тоҷик» санги асос гузоштанд
«НАВРӮЗ — ИДИ ЗАНОНИ ВАҲДАТСАРО». Ин форум занони тоҷик, узбек ва қирғизро дар фазои дӯстӣ ба ҳам овардааст
Бинои Маркази таъминоти бехатарии озуқаворӣ дар шаҳри Конибодом навсозӣ мегардад
«НАВРӮЗ — ИДИ ЗАНОНИ ВАҲДАТСАРО». Дар шаҳри Хуҷанд Форуми байналмилалии занон баргузор мегардад
Президенти Тоҷикистон Эмомалӣ Раҳмон дар ноҳияи Бобоҷон Ғафуров корхонаи парандапарварии ҶДММ «Саховат»-ро ифтитоҳ намуданд
Пешвои миллат Эмомалӣ Раҳмон дар деҳаи Шамсободи ноҳияи Бобоҷон Ғафуров Маркази саломатиро мавриди истифода қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров бинои Муассисаи таҳсилоти томактабии «Наврӯз»-ро баъд аз навсозӣ ба истифода доданд
Пешвои миллат Эмомалӣ Раҳмон дар шаҳри Хуҷанд корхонаи муштараки истеҳсоли профилҳои пластикӣ ва алюминии ҶДММ «Афранг Пластик»-ро мавриди истифода қарор доданд
