Шарҳи сеҷонибаи маҷмуи лоиҳаҳои сармоягузории аз ҷониби Бонки Осиёии Рушд дар Тоҷикистон маблағгузоришаванда доир шуд
ДУШАНБЕ, 30.10.2023 /АМИТ «Ховар»/. Дар шаҳри Душанбе бо иштироки Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода шарҳи сеҷонибаи маҷмуи лоиҳаҳои сармоягузории аз ҷониби Бонки Осиёии Рушд дар Ҷумҳурии Тоҷикистон маблағгузоришаванда дар семоҳаи сеюми соли 2023 баргузор гардид. Дар ин хусус ба АМИТ «Ховар» дар Кумитаи сармоягузорӣ хабар доданд.
Дар ҷаласа намояндагони Дастгоҳи иҷроияи Президенти Ҷумҳурии Тоҷикистон, Вазорати молия, Бонки Осиёии Рушд, инчунин агентиҳои иҷроия ва татбиқкунандаи лоиҳаҳои сармоягузории давлатии аз ҷониби Бонки Осиёии Рушд дар Ҷумҳурии Тоҷикистон маблағгузоришаванда иштирок намуданд.
Таъкид гардид, ки дар айни замон бо малағгузории Бонки Осиёии Рушд дар ҷумҳурӣ 15 лоиҳаи сармоягузории давлатӣ ба маблағи 922,8 млн доллари ИМА дар соҳаҳои нақлиёт, энергетика, кишоварзӣ, тандурустӣ, маориф, обтаъминкунӣ, ирригатсия, экология ва дигар соҳаҳо амалӣ мешаванд.
Вобаста ба амалишавии лоиҳаҳо, дастовард ва мушкилоти ҷойдошта ҳисоботи роҳбарони агентиҳои иҷроия ва татбиқкунандаи лоиҳаҳои сармоягузории давлатии аз ҷониби Бонки Осиёии Рушд маблағгузоришаванда шунида шуда, ҷиҳати таъмини саривақтии татбиқи онҳо тибқи ҳадафҳои лоиҳавӣ дастуру супоришҳои мушаххас дода шуд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
Дар шаш моҳи соли 2026 ҳаҷми гардиши савдо байни Тоҷикистон ва Озарбойҷон ба 10,2 миллион доллар расид
Тоҷикистон 85 фоизи аҳолиро бо маҳсулоти ғизоии ватанӣ таъмин мекунад
Аъзои ҳайати Фландрияи Подшоҳии Белгия бо фаъолияти «Шаҳри ҳушманд» шинос гардиданд
Тоҷикистон ва ЮНИСЕФ ҳамкориро дар самти рушди сармояи инсонӣ ва рақамикунонӣ густариш медиҳанд
Агентии «Тоҷикстандарт» дар шаҳри Душанбе 110 кг маҳсулоти гуногуни ҳасибии пастсифат ва ғайристандартиро ошкор намуд
Тақвияти ҳамкорӣ дар соҳаи ҳифзи муҳити зист байни Тоҷикистон ва Муғулистон баррасӣ гардид
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Содироти маҳсулоти Тоҷикистон ба Чин баррасӣ шуд
РАҚАМИКУНОНИИ СОҲАИ ОБ. Барои Тоҷикистон ин масъала аҳаммияти махсус дорад
