«ЗАБОН-РУКНИ АСОСИИ МИЛЛАТ ВА ДАВЛАТ». Таҳти чунин унвон дар Донишгоҳи давлатии ҳуқуқ, бизнес ва сиёсати Тоҷикистон конференсия доир шуд
ДУШАНБЕ, 04.10.2023 /АМИТ «Ховар»/. 3 октябр дар Донишгоҳи давлатии ҳуқуқ, бизнес ва сиёсати Тоҷикистон таҳти унвони «Забон-рукни асосии миллат ва давлат» конференсияи илмӣ-назариявӣ баргузор шуд. Дар ин хусус АМИТ «Ховар» бо истинод ба шуъбаи таҳлил ва робита бо ҷомеаи Донишгоҳи мазкур хабар медиҳад.
Конференсия ба муносибати Рӯзи забони давлатӣ, ки ҳамасола 5 октябр таҷлил карда мешавад, доир гардид.
Иброз гардид, ки мояи сарфарозии мо аст, ки ҳамасола 5 октябр дар ҷумҳурӣ Рӯзи забони давлатии Ҷумҳурии Тоҷикистон бо ифтихору сарбаландӣ аз давлати соҳибистиқлоламон гузаронида мешавад.
Дар мавриди ҳимоя, пуштибонӣ ва рушду густариши забони тоҷикӣ нақш ва мавқеи шахсияти таърихӣ- Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бузургу беназир аст. Маҳз бо шарофати ин марди хирадманду дурандеш силсилаи қонуну қарорҳо оид ба забони тоҷикӣ қабул ва мавриди амал қарор гирифтанд, ки онҳо мақому манзалати забони тоҷикиро хеле боло бурдаанд.
Зимни яке аз суханрониҳо Сарвари давлат иброз доштанд, ки «забон рукни асосии миллат ва давлат аст. Миллату давлат соҳиб ва пуштибони забон мебошанд. Забон омили асосии рушду камоли миллат ва давлат аст. Ин аст, ки забон ва давлату миллат дар паноҳи якдигаранд».
Дар идомаи конференсия як зумра олимону забоншиносон дар мавзуъҳои мухталиф маъруза намуданд.
Таъкид шуд, ки забони тоҷикӣ аз ҷумлаи арзишҳои таърихии ниёгонамон ба ҳисоб меравад, ки Рӯдакиву Ҷомӣ, Румиву Саъдӣ, Айниву Турсунзода ва садҳо ҳазор нобиғагони дигари таърих бо ин забони зебо сухан гуфтаву шеърҳо эҷод намудаанд.
Забон- таъминкунандаи ҳастии давлат, ифодакунандаи рамзи миллат ва воситаи муҳимтарини алоқаи байни одамон ба шумор меравад. Пуштибонӣ аз забон ва поку беолоиш нигоҳ доштани он на танҳо вазифаи миллату давлат, балки вазифаи муқаддаси ҳар фарди хирадманд ва худогоҳи тоҷик мебошад.
Конференсияи илмӣ-назариявӣ таҳти унвони «Забон-рукни асосии миллат ва давлат» бо қадршиносии як зумра кормандону устодони донишгоҳ бо медалу ифтихорнома ва сипосномаҳои Кумитаи иҷроияи Ҳизби Халқии Демократии Тоҷикистон ва барномаи фарҳангӣ анҷом пазируфт.
АКС: Шуъбаи таҳлил ва робита бо ҷомеаи Донишгоҳи давлатии ҳуқуқ, бизнес ва сиёсати Тоҷикистон
Дар Донишгоҳи техникии Тоҷикистон омодакунии кадрҳои баландихтисоси соҳаи технологияҳои рақамӣ баррасӣ шуд
Байни хонандагони муассисаҳои таълимии пойтахт озмуни шаҳрии «Тоҷи сари ҷумла ҳунарҳост илм» идома дорад
Хонандаи тоҷик дар мусобиқаи байналмилалӣ соҳиби медали тилло гардид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат менамоянд?
Дар Донишгоҳи давлатии Хоруғ Маркази омӯзиши ташаббусҳои глобалии Президенти Ҷумҳурии Тоҷикистон оид ба масъалаҳои обу иқлим ифтитоҳ ёфт
Саҳми донишманди барҷастаи тоҷик Абӯрайҳони Берунӣ дар инкишофи илму техника назаррас аст. Эҳдо ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф»
Президенти Тоҷикистон: «13 ҳазор нафар духтарони тоҷик дар давлатҳои хориҷӣ таҳсил менамоянд»
Дар Коллеҷи тиббии шаҳри Хуҷанд оид ба нақши Модар ҳамчун сарчашмаи зиндагӣ ҳамоиши идона доир шуд
Зиёда аз 14 ҳазор духтарон тибқи квотаи президентӣ муассисаҳои таҳсилоти олиро хатм намуда, ба нафъи давлату ҷомеа фаъолият доранд
Дар Кумитаи меъморӣ ва сохтмон оид ба арҷгузорӣ ба хизматҳои Зан-Модар ҳамоиши идона доир гардид
Дар Бохтар доир ба нақши технологияҳои рақамӣ дар воситаҳои ахбори омма конференсияи илмӣ-амалӣ баргузор гардид
Бахшида ба Рӯзи Модар дар Душанбе чорабинии сиёсӣ – фарҳангӣ таҳти унвони «Модар фариштаи меҳру шафқат» доир гардид
