Ҳайати Тоҷикистон дар ҷаласаи Шурои байнидавлатии сиёсати зиддиинҳисории давлатҳои аъзои ИДМ дар Арманистон иштирок намуд
ДУШАНБЕ, 08.11.2023 /АМИТ «Ховар»/. 2-3 ноябр дар шаҳри Еревани Ҷумҳурии Арманистон ҷаласаи 55-уми Шурои байнидавлатии сиёсати зиддиинҳисории давлатҳои аъзои Иттиҳоди Давлатҳои Мустақил баргузор гардид, ки дар он ҳайати Хадамоти зиддиинҳисории назди Ҳукумати Ҷумҳурии Тоҷикистон таҳти роҳбарии сардори Хадамот Абдулмаҷид Муминзод иштирок намуд.
Тавре ба АМИТ «Ховар» дар Хадамоти зиддиинҳисорӣ хабар доданд, дар ҷаласа масъалаҳои фаъолияти мақомоти зиддиинҳисории давлатҳои аъзои Иттиҳоди Давлатҳои Мустақил, корҳои иҷрошуда ва пешравиҳо, камбудиҳои ҷойдошта ва бартараф намудани онҳо мавриди баррасӣ қарор дода шуданд.
Дар охир қарори Шурои байнидавлатии сиёсати зиддиинҳисорӣ бо назардошти пешниҳодҳои аъзои Шуро қабул гардида, баргузории ҷаласаи ояндаи Шуро дар пойтахти Тоҷикистон- шаҳри Душанбе ба нақша гирифта шуд.
Бояд гуфт, ки ҷаласаи Шурои байнидавлатии сиёсати зиддиинҳисории давлатҳои аъзои Иттиҳоди Давлатҳои Мустақил ҳамасола дар давлатҳои аъзо баргузор гардида, дар он фаъолияти яксолаи мақомоти зиддиинҳисорӣ мавриди баррасӣ қарор дода мешавад.
Инчунин дар доираи ин ҷаласа мулоқоти ҳайати Хадамоти зиддиинҳисорӣ бо ҳайати Вазорати зиддиинҳисорӣ ва савдои Ҷумҳурии Беларус баргузор гардид.
Дар мулоқот ҷонибҳо аз ҳамкории судманд изҳори миннатдорӣ намуда, барои тақвияти муносибатҳои дуҷониба таҳия ва ба имзо расонидани созишномаи ҳамкориро байни мақомоти зиддиинҳисорӣ дар ҷаласаи ояндаи Шуро, ки дар шаҳри Душанбе баргузор мегардад, ба мақсад мувофиқ шумориданд.
АКС: Хадамоти зиддиинҳисории назди Ҳукумати Ҷумҳурии Тоҷикистон
Байни Тоҷикистон ва БАТР ба маблағи беш аз 62 миллион евро созишномаҳои қарзию грантӣ ба имзо расиданд
Пагоҳ ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамоти гумруки ИДМ баргузор мешавад
Дар Душанбе ҷаласаи 25-уми RILO-Москва баргузор гардид
Муовини Сарвазири Тоҷикистон бо вазъи корҳои саҳроӣ дар ноҳияи Зафаробод шинос шуд
Агентии омор: «Дар Тоҷикистон шумораи субъектҳои хоҷагидор зиёд шудааст»
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
