Академияи миллии илмҳои Тоҷикистон ҳамкории илмиро бо Маркази миллии тадқиқотии «Институти Курчатов»-Русия тақвият мебахшад
ДУШАНБЕ, 24.11.2023 /АМИТ «Ховар»/. 21 ноябр дар шаҳри Москва байни Академияи миллии илмҳои Тоҷикистон ва Маркази миллии таҳқиқоти «Институти Курчатов»-и Федератсияи Русия оид ба ҳамкории илмӣ ва илмию техникӣ Созишнома ба имзо расонида шуд, хабар доданд ба АМИТ «Ховар» дар академия.
Созишномаро президенти Академияи миллии илмҳои Тоҷикистон Фарҳод Раҳимӣ ва директори Муассисаи федералии буҷетии давлатии «Маркази миллии таҳқиқотии «Институти Курчатов» Михаил Ковалчук имзо намуданд.
Тибқи ҳуҷҷати имзошуда, тарафҳо дар самти пешбурди таҳқиқот вобаста ба технологияҳои табиатгуна, физикаи ҳастаӣ ва технологияҳои ҳастаии истифодаашон сирф бо мақсадҳои сулҳҷӯёна, аз ҷумла оид ба барқарорсозии реактори таҳқиқотии «Аргус — ФТИ» ба мувофиқа расиданд.
Инчунин дар асоси Созишнома машваратҳо, конфронсҳои илмӣ, вохӯриҳои корӣ ва намоишгоҳҳо, машғулиятҳои кӯтоҳмуддат дар заминаи Муассисаи федералии буҷетии давлатии «Маркази миллии таҳқиқотии «Институти Курчатов» ва ғайра гузаронида мешаванд.
Созишнома ба муҳлати панҷ сол баста шуда, дар даврҳои панҷсолаҳои минбаъда тамдид мешавад.
Ёдовар мешавем, ки 21-22 ноябр Президенти Тоҷикистон бо сафари расмӣ дар Федератсияи Русия қарор доштанд. Пас аз анҷоми мулоқоту музокироти сатҳи олии Тоҷикистон ва Русия дар ҳузури Сарони давлатҳо муҳтарам Эмомалӣ Раҳмон ва муҳтарам Владимир Путин 8 санади ҳамкорӣ ба имзо расид.
АКС аз манбаъҳои боз
Дар Тоҷикистон 6 агентии иттиллоотӣ, аз ин 1 давлатӣ ва 5 мустақил фаъолият доранд
НИШАСТИ МАТБУОТӢ. «Шоҳи қуллаҳо» — филми мустанад дар мавзуи ҳифзи бабри барфӣ сазовори ҷоиза гардид
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
Дар Тоҷикистон «Маҷмааи бостонии Бибихонум» таъсис дода мешавад
НИШАСТИ МАТБУОТӢ. Дар Тоҷикистон ду барномаи нави соҳаи фарҳанг қабул гардид
Раиси Кумитаи миллӣ оид ба ҳуқуқи инсони Давлати Қатар Қалъаи Ҳисорро тамошо намуд
Рӯзи фарҳанги шаҳрҳои Гулистон, Бӯстон ва Истиқлол бо шукуҳу шаҳомати хосса баргузор гардид
Дар Душанбе Рӯзи фарҳанги ноҳияи Ашт баргузор шуд
Имрӯз дар шаҳри Душанбе Рӯзи фарҳанги ноҳияи Восеъ баргузор шуд
Дар Рӯзи фарҳанги ноҳияи Вахш дастовардҳои давоми соҳибистиқлолӣ муаррифӣ гардид
Осорхонаи миллӣ дар Тоҷикобод намоиши сайёри осорхонавӣ ташкил намуд
БАРНОМАИ РУШДИ КИТОБХОНАҲОИ ДЕҲОТ. Он барои такмили фаъолияти китобхонаҳо ва беҳтар шудани хизматрасонии китобдорӣ замина фароҳам меорад
