Байни Вилояти Мухтори Кӯҳистони Бадахшон ва вилояти Свердловск Созишномаи ҳамкорӣ ба имзо расид
ДУШАНБЕ, 29.11.2023 /АМИТ «Ховар»/. Дар шаҳри Душанбе бо дастури Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати амалӣ намудани сиёсати дарҳои кушод Форуми соҳибкорони Тоҷикистон ва вилояти Свердловски Федератсияи Русия баргузор шуд. Дар доираи форум Созишнома байни Мақомоти иҷроияи ҳокимияти давлатии Вилояти Мухтори Кӯҳистони Бадахшони Ҷумҳурии Тоҷикистон ва Вилояти Свердловски Федератсияи Русия оид ба амалисозии муносибатҳои иқтисодии байналмилалӣ дар соҳаҳои тиҷорат, иқтисод, илму техника, иҷтимоиёту гуманитарӣ ба имзо расонида шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Раиси Вилояти Мухтори Кӯҳистони Бадахшон Алишер Мирзонабот ва губернатори вилояти Свердловски Федератсияи Русия Евгений Куйвашев суҳбати дуҷониба анҷом дода, ҷиҳати рушд додани соҳаҳои гуногуни хоҷагии халқ байни Вилояти Мухтори Кӯҳистони Бадахшони Ҷумҳурии Тоҷикистон ва вилояти Свердловски Федератсияи Русия ибрози андеша намуданд.
Бояд гуфт, ки бо шарофати сиёсати хирадмандона ва дурандешонаи роҳбарони ду давлат- Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Раҳмон ва Президенти Федератсияи Русия муҳтарам Владимир Путин ҳамкории тиҷоративу иқтисодӣ байни тамоми шаҳру вилоятҳои Тоҷикистон ва Русия сол ба сол рушд ёфта, ба сатҳи сифатан нав баромад.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Дар Бохтар машғулияти такмили ихтисос барои муҳандисони заминсоз ҷамъбаст шуд
Дар Панҷакент ғолибони озмунҳои ҷумҳуриявӣ қадрдонӣ гардиданд
Дар Муъминобод бахшида ба 100-солагии Соҳиб Табаров конференсияи ҷумҳуриявӣ доир шуд
Бахшида ба 30-солагии таъсиси Ҳизби Халқии Демократии Тоҷикистон конференсияи ҷумҳуриявӣ баргузор шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Турсунзода ҷаласаи сайёри Шурои ҷамъиятӣ баргузор гардид
Шабакаи «МегаФон Тоҷикистон» бо аккумуляторҳои пуриқтидор муҷаҳҳаз мегардад
Имрӯз дар баъзе ноҳияҳои Тоҷикистон туман мефарояд
ЗИМИСТОН ФАРО РАСИД. Дар моҳи аввали ин фасл ҳарорати ҳаво аз меъёри иқлимӣ 1 дараҷа паст пешгӯӣ мешавад
Дар Истаравшан 45 километр роҳҳои калони нақлиётгард мумфарш карда шуданд
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Шуғнон 233 иншоот бунёду навсозӣ мешаванд
МАСЛИҲАТИ МУТАХАССИС. Мош қобилияти дуру дароз захира шуданро дорад
