Дар Бадахшон бинои истиқоматии панҷошёна ва Маркази савдои «Чорбоғ» ба истифода дода шуд

Ноябрь 18, 2023 09:11

ДУШАНБЕ, 18.11.2023 /АМИТ «Ховар»/. 16 ноябр дар шаҳри Хоруғ бинои истиқоматии панҷошёна ва маркази савдои «Чорбоғ» мавриди истифода қарор дода шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилоят хабар медиҳад.

Бинои мазкур  дар маҳаллаи Селхозтехникаи шаҳри Хоруғ аз ҷониби Ҷамъияти дорои масъулияти маҳдуди «Зафарсохтмон»  бунёд шудааст. Сохтмони он моҳи июли соли 2022 оғоз гардида, дар Рӯзи Президенти Ҷумҳурии Тоҷикистон ба истифода дода шуд.

Раиси вилоят дар маросими ифтитоҳи ин иншоот иброз намуд, ки дастгирии соҳибкорону равнақи созандагиву ободонӣ маҳз аз сиёсати созандаи Президенти Ҷумҳурии Тоҷикистон сарчашма гирифта, имрӯз маркази вилоят низ ба таври шинохтанашаванда рушду нумӯъ меёбад. Дар марҳилаи рушди шаҳри Хоруғ аз тарафи ширкатҳои алоҳида сохтмони биноҳои баландошёнаи истиқоматӣ ба нақша гирифта шуда, дар чанд гӯшаи шаҳр корҳои сохтмонӣ бо ҷалби коргарони маҳаллӣ идома доранд.

Ҳамчунин қомат афрохтани чандин биноҳои баландошёна дар маркази шаҳр шаҳодат аз ободонию бунёдкорӣ буда, заминаи хуб барои беҳбудӣ бахшидан  ба зиндагии мардум мебошад.

Ҳамчунин дар ин рӯз маркази савдои «Чорбоғ» ба истифода дода шуд. Роҳбари вилоят зимни ифтитоҳи маркази тиҷоратӣ ба муассиси он- сардори Ҷамъияти дорои масъулияти маҳдуди «Бунёд» ҷиҳати фароҳам овардани хизматрасонии муосири савдо изҳори миннатдорӣ намуд.

Иброз гардид, ки расонидани хизмати сатҳи баланд ба аҳолӣ ва пешниҳоди маҳсулоти хӯроквории хушсифат аз ҳадафҳои асосии ин марказ мебошад.

Ба масъулини маркази савдои навбунёд супориш дода шуд, ки ба таври шабонарӯзӣ фаъолият намоянд, то муштариён тавонанд дар вақти муносиб аз хизматрасонии марказ бархӯрдор шаванд.

АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон

Ноябрь 18, 2023 09:11

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд