Дар Донишгоҳи байналмилалии забонҳои хориҷии Тоҷикистон ба рамзи муқаддас — Парчами давлатӣ арҷ гузоштанд
ДУШАНБЕ, 24.11.2023 /АМИТ «Ховар»/. 23 ноябр дар Донишгоҳи байналмилалии забонҳои хориҷии Тоҷикистон ба номи Сотим Улуғзода бахшида ба Рӯзи Парчами давлатии Ҷумҳурии Тоҷикистон ҳамоиши идонаи илмӣ — фарҳангӣ баргузор гардид. Дар ин хусус АМИТ «Ховар» бо истинод ба маркази матбуоти донишгоҳ хабар медиҳад.
Ректори донишгоҳ ҳозиринро ба муносибати Рӯзи Парчами давлатӣ, ки рамзи сарҷамъиву ягонагӣ ва ваҳдати миллати тамаддунофари тоҷик аст, табрик намуда, дар бораи нақши арзишманду мондагори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар пойдории сулҳу субот, эҳёи муқаддасоти миллӣ ва дастовардҳои даврони соҳибистиқлолӣ сухан гуфт.
Арбоби шинохтаи давлатию ҷамъиятӣ, сиёсатмадори варзида Адолат Раҳмонова дар бораи солҳои вазнини пеш аз истиқлол, баргузории Иҷлосияи XVI Шурои Олии Ҷумҳурии Тоҷикистон дар шаҳри Хуҷанд ва аз рӯзҳои аввали ба арсаи сиёсат омадани Пешвои миллат муҳтарам Эмомалӣ Раҳмон маъруза намуд.
Ҳамзамон собиқадор Рафиқа Мусоева оид ба таърихи Парчами давлатӣ ва хизматҳои бузурги Сарвари давлат муҳтарам Эмомалӣ Раҳмон дар барқарорсозии сулҳу субот дар Тоҷикистон ибрози назар намуд.
Аз ҷониби донишҷӯёни соҳибистеъдоди факултети забонҳои Аврупо барномаи фарҳангии ҷолиб манзури ҳозирин гардид.
Инчунин як гурӯҳ омӯзгорон ва донишҷӯён бо сипосномаи ректори Донишгоҳ қадрдонӣ шуданд.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
ОМӮЗГОРОН-ПОСДОРОНИ ЗАБОНИ МИЛЛАТ. Дар Донишкадаи давлатии санъати тасвирӣ ва дизайни Тоҷикистон ҳамоиши тантнавӣ доир шуд
Олимони Чин бо фаъолияти Институти тибби ветеринарии Академияи илмҳои кишоварзии Тоҷикистон шинос шуданд
Дар Донишгоҳи давлатии Кӯлоб Рӯзи забони давлатӣ ва Рӯзи омӯзгорон таҷлил гардид
6 ОКТЯБР-РӮЗИ ҶАҲОНИИ ҲИФЗИ МАКОНИ ЗИСТ. Ҷомеаи ҷаҳонӣ бояд таъсири харобиовари омили антропогенӣ ба табиатро ҷилавгирӣ намояд
МУЛОҚОТИ СУДМАНД ВА ТАҲКИМБАХШ. Дар ҳошияи сафари Президенти Тоҷикистон ба Давлати Қатар
Имрӯз дар баъзе ноҳияҳои Тоҷикистон борони кӯтоҳмуддат меборад
Дар Душанбе Форуми даҳуми миллӣ оид ба волоияти қонун баргузор мегардад
Забони тоҷикӣ давоми бештар аз сӣ соли Истиқлолияти давлатӣ муҳимтарин омили ваҳдат ва сарҷамъии миллат гардид
Дар шаҳри Гулистон ба гиромидошти Рӯзи забони давлатӣ конференсия баргузор шуд
Бахшида ба Рӯзи забони давлатӣ дар Китобхонаи миллӣ ҳамоиш баргузор гардид
«ЗАБОН-РУКНИ МУАССИРИ ФАРҲАНГИ МИЛЛӢ». Таҳти ин унвон конференсияи илмӣ-назариявӣ баргузор гардид
«ЗАБОН-ОИНАИ ФАРҲАНГИ МИЛЛАТ». Дар Пажуҳишгоҳи илмӣ-тадқиқотии фарҳанг ва иттилоот Рӯзи забони давлатӣ таҷлил гардид
