Дар Хатлон даври минтақавии олимпиадаҳои фаннӣ барои хонандагони муассисаҳои таҳсилоти миёнаи умумӣ оғоз ёфт
ДУШАНБЕ, 21.11.2023. /АМИТ «Ховар»/. 21 ноябр дар вилояти Хатлон даври минтақавии олимпиадаҳои фаннӣ барои хонандагони муассисаҳои таҳсилоти миёнаи умумӣ оғоз гардид. Дар ин хусус ба АМИТ «Ховар» дар Маркази ҷумҳуриявии дарёфт ва рушди истеъдодҳои Вазорати маориф ва илми Ҷумҳурии Тоҷикистон хабар доданд.
Гуфта шуд, ки гурӯҳи корӣ аз Маркази ҷумҳуриявии дарёфт ва рушди истеъдодҳо ба вилояти Хатлон рафта, дар баргузории олимпиада ба кумитаи тадорукот ёрии методӣ ва амалӣ расонид.
Аз ҷумла, дар муассисаи таълимии №7-и деҳаи Сайёди ноҳияи Шаҳритус қабл аз оғози олимпиадаи хонандагони синфи 11-и муассисаҳои таълимии минтақаи Бохтари вилояти Хатлон бо иштироки намояндагони Маркази ҷумҳуриявии дарёфт ва рушди истеъдодҳо, Маркази дарёфт ва рушди истеъдодҳои вилояти Хатлон, шуъбаҳои маорифи шаҳру ноҳияҳо ва бо ҷалби омӯзгороне, ки хонадагонро барои иштирок дар озмуну олимпиадаҳо омода менамоянд, ҳамоиши «Хонандаи болаёқат ба омӯзгори болаёқат ниёз дорад» доир гардид.
Омӯзгорони минтақа баргузории ҳамоишро, ки аввалин бор бо иқдоми Маркази ҷумҳуриявии дарёфт ва рушди истеъдодҳо доир гардид, саривақтӣ ҳисобида, дархост намуданд, ки минбаъд низ ҳангоми баргузории олимпиадаҳо чунин чорабиниҳои методӣ ташкил шаванд. Зеро қаблан ҳангоми олимпиадаҳо омӯзгорон аз шаҳру ноҳияҳои дурдаст ҷамъ омада, ҷамъбасти олимпиадаро соатҳо мунтазир шуда, ба чунин чорабиниҳо ҷалб намешуданд.
Имрӯз дар ноҳияи Фархор низ чунин ҳамоиш доир гардид.
АКС: Маркази ҷумҳуриявии дарёфт ва рушди истеъдодҳои Вазорати маориф ва илми Ҷумҳурии Тоҷикистон
Дар Тоҷикистон шумораи муассисаҳои томактабӣ бештар гардидааст
НИШАСТИ МАТБУОТӢ. Дар муассисаҳои таълимии Тоҷикистон сатҳи дониш ва азхудкунии барномаҳои таълимӣ баланд гардидааст
НИШАСТИ МАТБУОТӢ. Дар Комиссияи олии аттестатсионӣ 13 Шурои экспертӣ фаъолият доранд
Соли равон 85 хатмкунандаи Академияи идоракунии давлатӣ соҳиби дипломи аъло шуданд
Дар Душанбе вазъи омодасозии кадрҳои баландихтисос дар соҳаи металлургия баррасӣ гардид
Бахшида ба Рӯзи байналмилалии кооператсия дар Донишгоҳи давлатии тиҷорати Тоҷикистон ҳамоиши илмӣ баргузор гардид
Соли равон 12 номгӯй китоби дарсӣ барои синфҳои 5-6 нашр карда мешавад
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
