Дар Париж дар Нишасти қутбии «Як cайёра» аз ташаббусҳои Президенти Тоҷикистон дар соҳаи обу иқлим ёдовар шуданд
ДУШАНБЕ, 11.11.2023 /АМИТ «Ховар»/. 10 ноябр бо ибтикори ҷониби Фаронса дар шаҳри Париж Нишасти қутбии «Як cайёра» баргузор гардид, ки дар он ҳайати Тоҷикистон бо роҳбарии Вазири корҳои хориҷии мамлакат Сироҷиддин Муҳриддин иштирок намуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Нишасти мазкур сарони давлатҳо, ҳукуматҳо, намояндагони баландпояи кишварҳо, муҳаққиқону олимон, роҳбарони ниҳодҳои байналмилалӣ, созмонҳои ғайридавлатӣ, намояндагони мардуми бумӣ, ҷомеаҳои маҳаллӣ ва бахши хусусиро аз кишварҳои гуногун бо мақсади баррасии чолишҳои тағйирёбии иқлим, алалхусус вазъи пиряхҳо дар сайёра ба ҳам овард.
Иштирокдорони нишаст перомуни вазъи пиряхҳо ва чолишҳои марбут ба онҳо табодули андеша намуда, мушкилоти мавҷударо дар заминаи фурӯпошии криосфера дар миқёси ҷаҳон, ки метавонад ба аҳолӣ ва экосистема дар маҷмӯъ, захираҳои об ва болоравии сатҳи баҳр таъсир расонад, ташвишовар номидан ва ҳамкории амиқи байналмилалиро дар ин ҷода муҳим арзёбӣ намуданд.
Вазири корҳои хориҷии Тоҷикистон Сироҷиддин Муҳриддин зимни андешарониаш бо ишора ба натиҷаҳои конфронсҳои Даҳсолаи байналмилалии амал “Об барои рушди устувор, солҳои 2018-2028” ва махсусан қабули Қатъномаи Маҷмаи Умумии Созмони Милал дар бораи эълон намудани соли 2025 ҳамчун “Соли байналмилалии ҳифзи пиряхҳо”, талошҳои Ҳукумати Тоҷикистонро дар ин масъала ёдрас гардида, иброз дошт, ки татбиқи уҳдадориҳо дар доираи конфронсҳо ва ҳадафҳои “Соли байналмилалии ҳифзи пиряхҳо” ҷиҳати расидан ба Ҳадафи шашуми Ҳадафҳои Рушди Устувор ва ҳалли дигар масъалаҳои вобаста ба тағийрёбии иқлим дар сайёра мусоидат хоҳад кард.
Таъкид гардид, ки соли 2024 дар шаҳри Душанбе Конфронси сеюми сатҳи баланд оид ба татбиқи Даҳсолаи “Об барои рушди устувор”, ҳамчунин, соли 2025 Конфронси байналмилалӣ оид ба ҳифзи пиряхҳо баргузор мегардад ва ширкати фаъоли ҷомеаи ҷаҳонӣ дар ин чорабиниҳои муҳимми байналмилалии Тоҷикистон дар амри ҳаллу фасли мушкилоти марбут ба об ва обшавии пиряхҳо мусоидат хоҳад намуд.
АКС: Вазорати корҳои хориҷии Ҷумҳурии Тоҷикистон
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
РАВАНДИ ОБИ ДУШАНБЕ. Иштирокчиёни Конфронси 4-уми байналмилалӣ мавзеъҳои ҷолиби Тоҷикистонро тамошо мекунанд
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
Томас Мануэл: «Тоҷикистон дар самти мушкилиҳои марбут ба обу иқлим давлати пешсаф муаррифӣ гардидааст»
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Форуми байналмилалии «Занон ва об-2026» ба пешбурди масъалаҳои гендерӣ дар соҳаи об мусоидат намуд
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
КОНФРОНСИ ЧОРУМИ БАЙНАЛМИЛАЛИИ САТҲИ БАЛАНД ДАР ДУШАНБЕ. Беш аз 100 хабарнигори расонаҳои бонуфузи хориҷӣ рафти онро инъикос мекунанд
Имрӯз Фестивали об ва барномаи фарҳангии «Об — манбаи ҳаёти инсоният» баргузор мешаванд
