Донишгоҳи давлатии Хуҷанд бо Донишкадаи иқтисодии Донишгоҳи педагогии Шинҷони Чин Созишномаи ҳамкорӣ ба имзо расонид
![](https://khovar.tj/wp-content/uploads/2023/11/Sozishnoma-dar-DDH.jpg)
ДУШАНБЕ, 27.11.2023 /АМИТ «Ховар»/. Байни Донишгоҳи давлатии Хуҷанд ба номи академик Бобоҷон Ғафуров ва Донишкадаи иқтисодии Донишгоҳи педагогии Шинҷони Ҷумҳурии Мардумии Чин Созишномаи ҳамкорӣ ба имзо расид, хабар медиҳад АМИТ «Ховар» бо истинод ба Донишгоҳи давлатии Хуҷанд.
Зимни мулоқоти роҳбарияти Донишгоҳи давлатии Хуҷанд ва ҳайати Донишкадаи иқтисодии Донишгоҳи педагогии Шинҷон ҷонибҳо оид ба табодули таҷрибаи донишҷӯёну олимони ҷавон барои идомаи таҳсил дар зинаи бакалавр, магистратура ва докторантура PHD ва оид ба такмили ихтисоси мутахассисони ҷавон Созишномаи ҳамкорӣ ба имзо расониданд.
Инчунин меҳмонон бо факултети забонҳои шарқи донишгоҳ, ки аз рӯи ихтисоси забони чинӣ мутахассис омода менамояд, шинос шуда, ба раванди таълим ва сатҳи донишомӯзии донишҷӯён баҳои баланд доданд.
АКС: Донишгоҳи давлатии Хуҷанд ба номи академик Бобоҷон Ғафуров