ФУТБОЛ. Дастаи «Бунҷикат»-и Шаҳристон ғолиби чемпионати Тоҷикистон байни духтарони то 15-сола шуд
ДУШАНБЕ, 30.11.2023 /АМИТ «Ховар»/. 29 ноябр дар шаҳри Душанбе қисми ниҳоии Чемпионати Тоҷикистон байни духтарони то 15-сола оид ба футбол ба анҷом расид. Медалҳои тиллоро футболбоздухтарони «Бунҷикат»-и ноҳияи Шаҳристон ба даст оварданд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Чемпионати Тоҷикистон байни духтарони то 15-сола 31 май оғоз шуда, давоми шаш моҳ дар ду марҳила баргузор гардид. Дар марҳилаи аввал 17 даста ба се минтақа – Душанбе (5 даста), Суғд (7 даста) ва Хатлон (5 даста) тақсим шуданд. Дар марҳилаи муқаддамотӣ бозиҳо аз рӯйи системаи даврӣ дар ду давр гузаронида шуданд. Ғолибони се гурӯҳ – «Регар-ТадАЗ» (гурӯҳи «А»), «Бешкент» (гурӯҳи «Б») ва «Бунҷикат» (гурӯҳи «В»), инчунин дастаи «Панҷшер», ки бо нишондиҳандаи беҳтарин дар гурӯҳи «Б» ҷойи дуюмро ишғол намуд, ба қисми ниҳоии чемпионат роҳ ёфтанд.
Беҳтарин дарвозабон Марҷона Маматқулова («Бунҷикат») дониста шуд. Алиса Ҳусанова (Бешкент) беҳтарин бозигари чемпионат эътироф гардид. Ҷоизаи беҳтарин нишонзан ба Маҳлиё Ҷумақулова («Бунҷикат»), ки 16 гол задааст, тақдим шуд. Давлат Шукуров беҳтарин мураббӣ эълон шуд, ки бо роҳбарии ӯ дастаи «Бунҷикат» медалҳои тиллои чемпионатро ба даст овард.
АКС: Федератсияи футболи Тоҷикистон
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
