Маркази вилоятии саратоншиносӣ дар шаҳри Кӯлоб бо таҷҳизоти ташхисӣ ва табобатӣ таъмин гардид
ДУШАНБЕ, 18.11.2023. /АМИТ «Ховар»/. 17 ноябр дар доираи татбиқи лоиҳаи миллии Агентии байналмилалии неруи атомӣ, тақвияти марказҳои саратоншиносӣ ва рушди хизматрасонии ташхисии марказҳои саратоншиносӣ аз ҷониби Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон ба Маркази вилоятии саратоншиносӣ дар шаҳри Кӯлоб таҷҳизоти ташхисӣ (ултрасадо) ва табобатӣ (рентгентерапия) тақдим гардид. Дар ин хусус ба АМИТ «Ховар» дар шуъбаи муносибатҳои байналмилалӣ ва робита бо ҷомеаи Агентӣ хабар доданд.
Зимни баргузории маросими супоридани таҷҳизоти муосири тиббӣ муовини директори Агентӣ Матин Ахмедов ва мудири шуъбаи муносибатҳои байналмилалӣ ва робита бо ҷомеаи Агентии амнияти химиявӣ, биологӣ, радиатсионӣ ва ядроии АМИТ Олимҷон Азизов – ҳамчун ёрдамчиёни ҳамоҳангсози миллӣ доир ба рушди илми тиб истифодаи таҷҳизоти рақамии соҳаро дар самти ташхис ва пешгирӣ намудани бемориҳои гуногуни саратоншиносӣ муҳим арзёбӣ намуданд.
Сардухтури Маркази вилоятии саратоншиносӣ дар шаҳри Кӯлоб Наврӯзҷон Холматов, пас аз қабули таҷҳизоти муосири тиббӣ, дар хусуси бемории саратон ва шаклҳои гуногуни он аз нигоҳи илми саратоншиносӣ изҳори назар намуда, дастрас гардидани таҷҳизоти муосири тиббиро дар ин самт қадами мусбат дар самти ташхису табобати ин беморӣ арзёбӣ намуд.
Татбиқи лоиҳаи миллии Агентии байналмилалии неруи атомӣ тақвияти кори марказҳои саратоншиносӣ ва рушди хизматрасонии ташхисии марказҳои саратоншиносӣ, сатҳу сифати хизматрасониҳои ташхисию табобатии бемориҳои саратоншиносиро дар шаҳру ноҳияҳои минтақаи Кӯлоби вилояти Хатлон боз ҳам беҳтар менамояд.
Солҳои оянда дар доираи ин лоиҳа хариди дигар таҷҳизоти ташхисию табобатӣ ва омӯзонидани кормандони касбии Маркази вилоятии саратоншиносӣ аз ҷониби Агентии байналмилалии неруи атомӣ (АБНА) ба нақша гирифта шудааст.
АКС: Агентии амнияти химиявӣ, биологӣ, радиатсионӣ ва ядроии Академияи миллии илмҳои Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
