ҶОМИ ҶАҲОН-2026. Доварони бозиҳои интихобӣ бо иштироки дастаи мунтахаби Тоҷикистон муайян гардиданд
ДУШАНБЕ, 13.11.2023 /АМИТ «Ховар»/. Номи доварон, нозирон ва комиссароне, ки дар бозиҳои интихобии Ҷоми ҷаҳон-2026 оид ба футбол бо иштироки дастаи мунтахаби Тоҷикистон фаъолият менамоянд, маълум шуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Бозии аввали даври дуюми марҳилаи интихобии Ҷоми ҷаҳон-2026 дар гурӯҳи «G» байни дастаҳои мунтахаби Тоҷикистон ва Урдунро ҳайати доварон аз Ироқ ҳакамӣ менамояд.
Довари марказии бозӣ довари 46-солаи ФИФА Алӣ Сабоҳ Аддай Ал-Қаисӣ таъйин шуд. Дар майдон ба ӯ ҳамватанонаш – ёварони довари ФИФА Ҳайдар Абдулҳасан Алӣ Убайдӣ ва Амир Довуд Ҳусейн Ал-Виндавӣ кумак менамоянд. Вазифаи довари эҳтиётиро Зайд Темур Муҳаммад иҷро менамояд. Саъд Ал-Фадҳлӣ аз Кувайт кори доваронро назорат менамояд, Юн Мун Чуен аз Ҳонгконг комиссари бозӣ таъйин гардид.
Ин бозӣ 16 ноябр дар Варзишгоҳи марказии Душанбе баргузор шуда, соати 18:00 оғоз мешавад.
Вохӯрии даври дуюми марҳилаи интихобии Ҷоми ҷаҳон-2026 байни дастаҳои мунтахаби Покистон ва Тоҷикистонро ҳайати доварон аз Ҷопон доварӣ менамояд.
Юсуке Араки довари марказӣ таъйин шуд. Ҷун Михара ва Кота Ватанабе ба ҳайси ёвар фаъолият менамоянд. Довари эҳтиётӣ Дуй Лан Нго аз Ветнам таъйин гардид. Кадҳум Ауда Лазим Ал-Саидӣ аз Ироқ нозири доварон ва Алим Орифов аз Узбекистон комиссари бозӣ мешаванд.
Бозии дастаҳои Покистон – Тоҷикистон 21 ноябр дар варзишгоҳи «Ҷинна»-и шаҳри Исломобод баргузор шуда, соати 14:00 оғоз мегардад.
АКС: Федератсияи футболи Тоҷикистон
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
