Ҷаласаи Шурои рушди тарбияи ҷисмонӣ ва варзиш дар назди Ҳукумати Ҷумҳурии Тоҷикистон баргузор гардид
ДУШАНБЕ, 30.12.2023. /АМИТ «Ховар»/. Дар Кумитаи миллии олимпии Тоҷикистон зери роҳбарии муовини Сарвазири Ҷумҳурии Тоҷикистон, раиси Шуро Матлубахон Сатториён ҷаласаи Шурои рушди тарбияи ҷисмонӣ ва варзиш дар назди Ҳукумати Ҷумҳурии Тоҷикистон баргузор гардид. Дар ин хусус ба АМИТ «Ховар» сардори Раёсати тарбияи ҷисмонӣ ва инкишофи варзиши дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон Муҳаммадтолиб Шокирзода иттилоъ дод.
Дар он аъзои Шуро аз ҳисоби роҳбарони вазорату идораҳо, ташкилоту муассисаҳо, мақомоти иҷроияи ҳокимияти давлатии вилоятҳо, шаҳру ноҳияҳои ҷумҳурӣ ва масъулини соҳаи варзиши мамлакат иштирок намуданд.
Дар оғози ҷаласа муовини Сарвазири мамлакат, раиси Шуро Матлубахон Сатториён суханронӣ намуд. Ӯ аз таваҷҷуҳу дастгириҳои Ҳукумати мамлакат, бахусус Пешвои миллат муҳтарам Эмомалӣ Раҳмон ёдовар шуда, ҳозиринро бо рӯзномаи ҷаласа шинос намуд.
Бояд иброз дошт, ки дар ҷаласа масъалаҳо оид ба ҳисоботи натиҷаи соҳа дар солҳои 2022-2023, ҷараёни омодагиҳо ба Бозиҳои тобистонаи олимпӣ (Париж-2024), равон намудани варзишгарони мамлакат ба мусобиқаҳои сатҳи байналмилалӣ, дарёфти роҳхати Бозиҳои олимпӣ ва ноил гардидан ба натиҷаҳои дилхоҳи варзиш, Тасдиқи нақшаи кори Шуро барои соли 2024 мавриди баррасӣ қарор гирифтанд.
Дар идомаи ҷаласа муовини якуми Раиси Кумитаи кор бо ҷавонон ва варзиш, муовини Вазири молияи Ҷумҳурии Тоҷикистон, муовинони раисони вилоятҳои Суғду Хатлон, шаҳру ноҳияҳои тобеи ҷумҳурӣ, масъулини соҳаи варзиши мамлакат ва федератсияҳои варзишӣ сухан гуфта, дархосту пешниҳодҳои худро вобаста ба рушди минбаъдаи соҳа манзур намуданд.
Ҳамзамон раиси Шуро якчанд вазифаҳои барои рушди соҳаи варзиши мамлакат муҳимро ба саҳми аъзои Шуро расонид.
Дар интиҳо раиси Шуро котиботи ҷаласаро уҳдадор намуд, ки суратҷаласа ва Нақшаи кори Шуроро то 5 январи соли 2024 таҳия намуда, барои мувофиқа ва тасдиқ ба раиси Шурои рушди тарбияи ҷисмонӣ ва варзиш дар назди Ҳукумати Ҷумҳурии Тоҷикистон пешниҳод намоянд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
