Дар Нигерия аз оғози соли равон 200 ҳолати фавт аз табларзаи Ласса сабт гардидааст
ДУШАНБЕ, 18.12.2023 /АМИТ «Ховар»/. Дар Нигерия давоми 11 моҳи охир сарфи назар аз чораҳои пурзӯри ҳукумат барои коҳиш додани сироят дар мамлакат на кам аз 200 ҳолати фавт аз табларзаи Ласса сабт гардидааст, хабар додааст «Синхуа» бо истинод ба Маркази миллии назорати бемориҳо дар Нигерия.
Тибқи гузориши охирин оид ба вазъияти табларзаи Ласса, ки рӯзи шанбе нашр шуд, Маркази миллӣ аз 1 170 ҳолати тасдиқшуда дар 114 минтақаи мунитсипалии 28 иёлат аз аввали соли равон то 3 декабр хабар додааст.
Бо назардошти шумораи кунунии фавтҳо, сатҳи фавт аз хуруҷи табларзаи Ласса тибқи гузориши идораи ҷамъиятӣ-тандурустӣ, 17,1% -ро ташкил медиҳад.
Маркази миллӣ ба минтақаҳо ва марказҳои табобатӣ лавозимоти тиббиро фаъолона тақсим намуда, сатҳи мониторинг ва огоҳсозии мардумро ҷиҳати пешгирии паҳншавии ин беморӣ беҳтар менамояд. Табларзаи Ласса, ки бар асари вируси ба воситаи калламушҳо интиқолшаванда ба вуҷуд омадааст, аломатҳои шабеҳ ба вараҷаро дорад ва дар Африқои Ғарбӣ чун мушкили ҳалталаб боқӣ мемонад.
АКС аз манбаъҳои боз
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
