Дохил шудан ба низоми хизмати давлатӣ ва фаъолият дар он барои ҳар хизматчии давлатӣ шараф ва ифтихор аст

Декабрь 1, 2023 16:05

ДУШАНБЕ, 01.12.2023. /АМИТ «Ховар»/. Баъди ворид намудани тағйирот ба Қонуни Ҷумҳурии Тоҷикистон «Дар бораи рӯзҳои ид» бори аввал дар ҷумҳурии соҳибистиқлоли Тоҷикистон 1 декабр Рӯзи мақомоти маҳаллии ҳокимияти давлатӣ ва худидоракунӣ гузаронида мешавад.

Таҷлили Рӯзи мақомоти маҳаллии ҳокимияти давлатӣ ва худидоракунӣ гувоҳи он аст, ки Ҳукумати Ҷумҳурии Тоҷикистон, бахусус Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон меҳнати шабонарӯзии хизматчиёни давлатии ин ниҳоди давлатиро қадр менамоянд ва эътимод бар он доранд, ки роҳбарони ҳокимияти давлатӣ сиёсати Ҳукумати мамлакатро дар маҳал татбиқ менамоянд.

Дар Паёми Президенти Ҷумҳурии Тоҷикистон, Пешвои миллат  муҳтарам Эмомалӣ Раҳмон ба Маҷлиси Олии Ҷумҳурии Тоҷикистон  «Дар бораи самтҳои асосии сиёсати дохилӣ ва хориҷии ҷумҳурӣ» аз 23 декабри соли 2022 чунин таъкид гардидааст: «Ҳар яки мо – роҳбарони сохтору мақомоти давлатӣ ва кулли хизматчиёни давлатӣ дар ин ҷода масъулият дорем ва вазифадорем, ки ба халқи азизи Тоҷикистон софдилонаву содиқона хизмат намоем. Яъне мо бояд боз ҳам бештар заҳмат кашем ва барномаҳои созандаву нақшаҳои бунёдкоронаи барои рушди давлат ва ободии Ватан тарҳрезинамудаи худро сари вақт ва бо сифати баланд ба анҷом расонем».

Дар робита ба ин имрӯз дар Мақомоти иҷриояи ҳокимияти давлатии шаҳри Турсунзода ҷамъомади тантанавӣ бахшида ба Рӯзи мақомоти маҳаллии ҳокимияти давлатӣ ва худидоракунӣ доир гардид, ки зимни он иттилоъ дода шуд, ки  ҳоло дар воҳидҳои сохтории дастгоҳи раиси шаҳр, мақомоти иҷроияи маҳаллии ҳокимияти давлатӣ ва худидоракунии деҳоти шаҳри Турсунзода 174 воҳиди корӣ пешбинӣ гардида, 150 нафар хизматчиёни давлатӣ амалан фаъолият менамоянд ва қувваи асосии пешбарандаи сиёсати давлат дар маҳал маҳсуб мешаванд.

Бояд гуфт, ки дар мамлакат шароити корӣ барои хизматчиёни давлатӣ сол аз сол беҳтар гардида, музди маоши хизматчиёни давлатӣ марҳила ба марҳила зиёд мегардад. Танҳо дар 10 соли охир музди маоши хизматчиёни давлатӣ се маротиба ё баробари 60 % зиёд  шудааст, ки он ба баланд бардоштани сатҳи зиндагии кормандони мақомоти маҳаллии ҳокимияти давлатӣ ва худидоракунӣ мусоидат менамояд.

Раиси шаҳри Турсунзода Парвиз Акрамзода изҳор намуд, ки дохил шудан ба низоми хизмати давлатӣ ва фаъолият дар мақомоти давлатӣ барои ҳар хизматчии давлатӣ шараф ва ифтихор аст. «Зеро халқ бо таваҷҷуҳ ва эътиқоду боварӣ дар симои ҳар корманди мақомоти маҳаллии ҳокимияти давлатӣ ва худидоракунӣ намояндаи давлатро мебинад ва бо эҳсоси боварӣ ҷиҳати ҳалли масъалаҳои ҳаёти рӯзмарраи худ муроҷиат менамояд. Аз ин рӯ, ҳар хизматчии давлатиро мебояд ба ин боварии халқ сазовор бошад ва кумаки беғаразонаи худро дар муҳлати муқарраргардида ба муроҷиаткунанда расонад».

Такид гардид, ки набояд фаромӯш сохт, ки пешрафту дастовардҳои иқтисодиву иҷтимоии шаҳр ва баррасии мушкилоту масъалаҳои ҳалталаби ҷомеа ба фаъолияти самарабахши хизматчиёни давлатии воҳидҳои сохтории дастгоҳи раиси шаҳр, мақомоти иҷроияи маҳаллии ҳокимияти давлатӣ ва худидоракунии деҳот алоқамандӣ дорад. Танҳо саъю талоши содиқонаву софдилона, ҳисси баланди масъулият дар назди халқу Ватан ва иқдому ташаббусҳои созанда моро ба иҷрои вазифаҳои хизматиамон муваффақ месозад.

Дар ҳамоиш даъват ба амал оварда шуд, ки хизматчиёни давлатӣ бояд дорои нангу номуси ватандорӣ ва ҳисси баланди миллӣ бошанд ва бо чунин хислатҳои неку созандаи худ тавонанд иқдоми аз имрӯза ҳам бештарро амалӣ намуда, Ватани азизамонро ба давлати ободу пешрафта ва ҳамқадами ҷаҳони муосир табдил диҳанд.

АКС: Мақомоти иҷриояи ҳокимияти давлатии шаҳри Турсунзода

Декабрь 1, 2023 16:05

Хабарҳои дигари ин бахш

«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«ДАСТИ ДУОИ МОДАР». Дар Душанбе бо иштироки занон-ходимони давлатӣ, фаъолони арсаи сиёсату ҷомеа ва собиқадорони меҳнат ҳамоиши идона доир гардид
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Дар Анталия раванди густариши муносибатҳои дуҷонибаи Тоҷикистон ва Туркия мавриди баррасӣ қарор гирифт
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд
Президенти Ҷумҳурии Тоҷикистон Эмомалӣ Раҳмон ба якчанд қонун имзо гузоштанд