ФУТБОЛ. «Истиқлол» бар дастаи «Эсхата»-и шаҳри Хуҷанд ғолиб омад

Декабрь 13, 2023 15:49

ДУШАНБЕ, 13.12.2023. /АМИТ «Ховар»/. Дастаҳои футболи «Истиқлол»-и шаҳри Душанбе ва «Эсхата»-и шаҳри Хуҷанд дар доираи бозиҳои даври чаҳоруми марҳилаи сеюми Чемпионати Тоҷикистон рақобат намуданд. Вохӯрии дастаҳо дар Варзишгоҳи марказии шаҳри Душанбе баргузор гардида, бо ҳисоби 4:2 ба фоидаи дастаи футболи «Истиқлол»-и шаҳри Душанбе анҷом ёфт. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.

Голҳои дастаи футболи «Истиқлол»-и шаҳри Душанберо Алишер Ҷалилов (ду маротиба), Салоҳиддин Иргашев ва Сенин Себай ба нишон расониданд. Аз ҳайати дастаи футболи «Эсхата»-и шаҳри Хуҷанд Бахтиёр Зарипов ва Ойбек Абдуғаффоров тӯбҳоро ба нишон расониданд. Дастаи футболи «Эсхата»-и шаҳри Хуҷанд пас аз бохт имконияти роҳ ёфтан ба мусобиқаҳои Осиёиро дар мавсими оянда аз даст дод. Гарчанд даста дар Лигаи олӣ як бозии дигар дорад, аммо ба зинаи дуюм баромада наметавонад.

Ҳамин тавр, як давр пеш аз анҷоми бозиҳои Чемпионати Тоҷикистон-2023 дастаи футболи «Равшан»-и шаҳри Кӯлоб зинаи дуюми мусобиқаро соҳиб шуд. Дастаи футболи «Истиқлол»-и шаҳри Душанбе аллакай пеш аз муҳлат чемпиони мусобиқа гардид.

Хотиррасон мешавем, ки дастаи футболи «Истиқлол»-и шаҳри Душанбе маротибаи 12-ум унвони чемпиониро ба даст овард. Қаблан дастаи футболи «Истиқлол»-и шаҳри Душанбе солҳои 2010, 2011, 2014, 2015, 2016, 2017, 2018, 2019, 2020, 2021 ва 2022 ғолиби чемпионати Тоҷикистон шудааст.

Дар мавсими оянда дастаи футболи «Истиқлол»-и шаҳри Душанбе дар марҳилаи гурӯҳӣ ва дастаи «Равшан»-и шаҳри Душанбе дар марҳилаи интихобии Лигаи чемпионҳои 2-и Конфедератсияи футболи Осиё Тоҷикистонро намояндагӣ менамоянд.

АКС: Федератсияи футболи Тоҷикистон

Декабрь 13, 2023 15:49

Хабарҳои дигари ин бахш

Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад