Иҷозатномаи «Вестерн Юнион ДП Восток» (Русия) бозхонд ва бекор гардид
ДУШАНБЕ, 26.12.2023 /АМИТ «Ховар»/. Бо қарори навбатии Раёсати Бонки миллии Тоҷикистон мутобиқи қонунҳои Ҷумҳурии Тоҷикистон «Дар бораи хизматрасониҳои пардохтӣ ва низоми пардохтӣ», «Дар бораи низоми иҷозатдиҳӣ» ва «Дар бораи Бонки миллии Тоҷикистон» иҷозатномаи ОНП барои фаъолияти оператори низоми пардохтии «Вестерн Юнион», ки бо қарори Раёсати Бонки миллии Тоҷикистон ба ҶДММ «Ташкилоти қарзии ғайрибонкии «Вестерн Юнион ДП Восток» дода шудааст, дар асоси аризаи хаттии иҷозатномадор бозхонд ва бекор гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Тибқи ин қарор, идораи низоми пардохт уҳдадор шуд, ки дар Феҳристи операторони низомҳои пардохтӣ сабти марбутаро ворид намояд.
Дар баробари ин, ба таваҷҷуҳи шаҳрвандон расонида мешавад, ки низоми пардохтии «Вестерн Юнион» фаъолияти худро дар қаламрави Ҷумҳурии Тоҷикистон дар асоси иҷозатномаи Бонки миллии Тоҷикистон аз моҳи сентябри соли 2023, ки оператори он ширкати Вестерн Юнион Нетворк (Фаронса) мебошад, идома медиҳад. Дар айни замон хизматрасонии интиқоли маблағ бе кушодани суратҳисоб ба аҳолии мамлакат тавассути низоми пардохтии «Вестерн Юнион» пурра дастрас мебошад.
АКС: Бонки миллии Тоҷикистон
Дар Бонки миллии Тоҷикистон имконияти платформаи рақамии амалиёти факторингӣ бо ширкати «OZPLANET» баррасӣ шуд
Татбиқи тарҳи «Тақвияти бахши молиявӣ дар Тоҷикистон» баррасӣ гардид
Ҳамкории Тоҷикистон ва Швейтсария дар доираи лоиҳаҳои сиёсати пулию қарзӣ тақвият меёбад
ҚУРБИ АСЪОР: 1 доллари ИМА аз 9.4327 то 9.5000 сомонӣ муқаррар шудааст
ҚУРБИ АСЪОР: 1 доллари ИМА аз 9.4681 то 9.5000 сомонӣ муқаррар шудааст
ҲИСОБАРОБАРКУНИИ ҒАЙРИНАҚДӢ. Байни «Амонатбонк» ва Агентии суғуртаи иҷтимоӣ ва нафақа санади ҳамкорӣ ба имзо расид
Ҷаласаи Гурӯҳи коршиносони миллӣ барои омодагӣ ба даври сеюми баҳодиҳии мутақобили низоми муайян доир шуд
ҚУРБИ АСЪОР: 1 рубли русӣ аз 0.1134 то 0.1120 сомонӣ муқаррар шудааст
Дар шаҳри Роғун бинои нави филиали «Амонатбонк» ба истифода дода шуд
