ЛИГАИ ЧЕМПИОНҲОИ ОСИЁ. 4 декабр дар Варзишгоҳи марказии шаҳри Душанбе нишасти хабарии пеш аз бозии дастаҳои «Истиқлол» ва «Ал-Наср» доир мешавад
ДУШАНБЕ, 04.12.2023. /АМИТ «Ховар»/. Ба таваҷҷуҳи намояндагони воситаҳои ахбори омма расонида мешавад, ки имрӯз, 4 декабр дар остонаи бозии даври ниҳоии марҳилаи гурӯҳии Лигаи чемпионҳои Осиё-2023/24 дар гурӯҳии «Е» байни дастаҳои футболи «Истиқлол»-и Тоҷикистон ва «Ал-Наср»-и Арабистони Саудӣ дар толори Варзишгоҳи марказии ҷумҳуриявии шаҳри Душанбе нишасти хабарӣ баргузор мегардад. Нишасти хабарӣ соати 17:30 оғоз мешавад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Зимни нишаст ба саволҳои рӯзноманигорон сармураббии дастаи футболи «Истиқлол»-и Тоҷикистон Игор Черевченко ва нимҳимоятгари дастаи «Истиқлол»-и шаҳри Душанбе Эҳсони Панҷшанбе посух медиҳанд.
Аз ҷониби дастаи футболи «Ал-Наср»-и Арабистони Саудӣ сармураббӣ Луиш Каштру ва яке аз бозингарони даста иштирок менамоянд.
Ёдовар мешавем, ки 5 декабр, соати 21:00 дар Варзишгоҳи марказии шаҳри Душанбе вохӯрии даври шашуми марҳилаи гурӯҳии Лигаи чемпионҳои Осиё-2023/24 байни дастаҳои футболи «Истиқлол»-и Тоҷикистон ва «Ал-Наср»-и Арабистони Саудӣ баргузор мешавад.
Ба диққати намояндагони ВАО расонида мешавад, ки аккредитатсияҳоеро, ки қаблан барои инъикоси бозиҳои марҳилаи гурӯҳии Лигаи чемпионҳои Осиё-2023/24 дастрас намуда буданд, бо худ бигиранд.
АКС: Федератсияи футболи Тоҷикистон
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
