Бар асари таркиш дар шимолу ғарби Покистон шаш корманди полис ҳалок ва 22 нафар маҷруҳ шуд
ДУШАНБЕ, 09.01.2024 /АМИТ «Ховар»/. Рӯзи душанбе дар натиҷаи таркиши бомба дар назди мошини полис дар вилояти Хайбар-Паҳтунхва дар шимолу ғарби Покистон шаш корманди полис ҳалок ва 22 тани дигар захмӣ шуданд. Тавре АМИТ «Ховар» бо истинод ба агентии «Синхуа» иттилоъ медиҳад, дар ин хусус полиси маҳаллӣ хабар додааст.
Ба гуфтаи корманди полиси ноҳиявӣ Баҷаур Кашиф Зулфиқор, субҳи рӯзи душанбе дар ин минтақа мошини полис бо дастгоҳи худсохт тарконида шуд. Кормандони полиси ҳалокшуда ба таъмини амнияти гурӯҳҳои эмкунанда бар зидди полиомиелит дар ноҳия равона буданд.
Шумораи ҳалокшудагон метавонад афзоиш ёбад, зеро панҷ корманди полис дар ҳолати вазнин қарор доранд, изҳор намуд Б.К. Зулфиқор. Ӯ тасдиқ намуд, ки ҳамаи осеббардоштагон кормандони полис мебошанд.
Дар пайи ин ҳодиса гурӯҳи пурзӯри полис ва наҷотбахшон ба минтақа омада, осебдидагонро ба бемористони наздик интиқол доданд. Баъзеи онҳо дар ҳолати вазнин қарор доранд.
Неруҳои амниятӣ минтақаро муҳосира ва ба ҷустуҷӯи гунаҳкорон оғоз намуданд.
Азиза ИКРОМ,
АМИТ «Ховар»
АКС аз манбаъҳои боз
Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд
