ФУТБОЛ. Дастаи мунтахаби Тоҷикистон ҷиҳати иштирок дар Ҷоми Осиё-2023 вориди Қатар шуд
ДУШАНБЕ, 08.01.2024 /АМИТ «Ховар»/. Имрӯз дастаи мунтахаби Тоҷикистон оид ба футбол барои иштирок дар қисми ниҳоии Ҷоми Осиё-2023 вориди Қатар шуд. Дар ин хусус АМИТ «Ховар» бо истинод ба Федератсияи футболи Тоҷикистон хабар медиҳад.
Дар Фурудгоҳи байналмилалии Давҳа ҳайати мунтахаби Тоҷикистонро намояндагони кумитаи тадорукоти Ҷоми Осиё-2023 самимона истиқбол гирифтанд.
Дар қисми ниҳоии Ҷоми Осиё-2023 дастаи мунтахаби Тоҷикистон дар гурӯҳи «А» рақобат менамояд. Дастаи Тоҷикистон дар бозии якум 13 январ бо дастаи миллии Чин бозӣ менамояд.
Дастаи Петр Сегрт 17 январ дар даври дуюми марҳилаи гурӯҳӣ бо мизбони Ҷоми Осиё-2023 – дастаи миллии Қатар бозӣ менамояд.
Дар даври сеюми марҳилаи гурӯҳии мусобиқот дастаи мунтахаби Тоҷикистон 22 январ бо яккачини Лубнон рақобат менамояд.
Бояд иброз намуд, ки аз ҳар гурӯҳ дудастаӣ ва инчунин чаҳор дастаи беҳтарин аз байни ҷойҳои сеюм ба даври 1/8-ниҳоии Ҷоми Осиё-2023 роҳ меёбанд.
АКС: Федератсияи футболи Тоҷикистон
Масъулини Сафорати Тоҷикистон дар Русия бо фаъолони ҷамъиятӣ ва донишҷӯёни тоҷики муассисаҳои таҳсилоти олии шаҳри Қазон мулоқот намуданд
Федератсияи футболи Тоҷикистон дараҷаи тиллоии Хартияи футболи оммавии Конфедератсияи футболи Осиёро ба даст овард
Имрӯз дар шаҳри Душанбе ҳаво 18 дараҷа гарм мешавад
Имрӯз дар баъзе ноҳияҳои Тоҷикистон чангу ғубор ба амал меояд
«МегаФон Life»: Навсозиҳо ҳаётро сабуктар менамоянд
Ширкати саҳомии «Инновейтив Роуд Солюшнз ЛТД» дар Тоҷикистон IRS 17 400 тонна маводи зиддилағзиш захира намудааст
Доир ба нақши маориф дар тарбияи насли ваҳдатсоз вохӯрӣ доир гардид
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
