Имрӯз дар баъзе ноҳияҳои Тоҷикистон борон ва барфи тар дар назар аст

ДУШАНБЕ, 05.01.2024. /АМИТ «Ховар»/. Имрӯз дар ноҳияҳои алоҳидаи ҷумҳурӣ борону барфи тар ба амал омада, дар баъзе ноҳияҳои мамлакат туман мефарояд, иттилоъ медиҳад АМИТ «Ховар» бо истинод ба Агентии обуҳавошиносии Тоҷикистон.

Дар Вилояти Мухтори Кӯҳистони Бадахшон ҳаво тағйирёбанда  шуда, дар баъзе ноҳияҳои ғарбии вилоят борону барф ба амал меояд. Дар шарқи вилоят ҳавои бебориш дар назар аст. Шамол аз самти шарқ бо суръати 7-12 метр дар як сония мевазад. Ҳаво дар ғарби вилоят шабона 6-11 дараҷа хунук, дар баъзе ноҳияҳо то -2+3 дараҷа, рӯзона 2+7 дараҷа гарм, дар баъзе ноҳияҳо то 9+11 дараҷа гарм, дар шарқи вилоят шабона 21-26 дараҷа хунук, рӯзона 2-7 дараҷа хунук мешавад.

Дар вилояти Суғд ҳавои тағйирёбанда пешгӯӣ шуда, шабона дар баъзе ноҳияҳои водибуда борон ба амал меояд, рӯзона бебориш дар назар аст. Дар баъзе ноҳияҳои кӯҳӣ борон ва барф ба амал омада, дар ноҳияҳои алоҳида туман мефарояд. Шамол аз самти шарқ бо суръати 5-10 метр дар як сония мевазад. Ҳаво дар водиҳо шабона 0+5 дараҷа гарм, рӯзона 8+13 дараҷа гарм, дар ноҳияҳои кӯҳӣ шабона 4-9 дараҷа хунук, рӯзона 1+6 дараҷа гарм мешавад.

Дар вилояти Хатлон ҳавои тағйирёбанда пешгӯӣ шуда, дар ноҳияҳои алоҳида борону барфи тар ба амал омада, дар баъзе ноҳияҳо туман мефарояд. Шамол аз самти шарқ бо суръати 5-10 метр дар як сония мевазад. Ҳаво дар водиҳо шабона 0+5 дараҷа гарм, рӯзона 12+17 дараҷа гарм, дар ноҳияҳои доманакӯҳӣ шабона -1+4 дараҷа, рӯзона 9+14 дараҷа гарм  мешавад.

Дар шаҳру ноҳияҳои тобеи марказ ҳаво тағйирёбанда шуда, дар водиҳо шабона борон ба амал омада, рӯзона бебориш пешгӯӣ мешавад. Дар баъзе ноҳияҳои кӯҳӣ борону барф ба амал омада, дар ноҳияҳои алоҳида туман мефарояд. Шамол аз самти шарқ бо суръати 5-10 метр дар як сония мевазад. Ҳаво дар водиҳо шабона 0+5 дараҷа гарм, рӯзона 10+15 дараҷа гарм, дар ноҳияҳои кӯҳӣ шабона 3-8 дараҷа хунук, дар баъзе ноҳияҳо то -2+3 дараҷа, рӯзона 3+8 дараҷа гарм мешавад.

Дар Душанбе ҳаво тағйирёбанда  шуда, шабона борон ба амал меояд.  Рӯзона дар пойтахт ҳавои бебориш дар назар буда, туман мефарояд. Шамол аз самти шарқ бо суръати 5-10 метр дар як сония мевазад. Ҳаво шабона 3+5 дараҷа гарм, рӯзона 12+14 дараҷа гарм мешавад.