НИШАСТИ МАТБУОТӢ. Соли 2023 барои ҳунармандони Театри мусиқӣ-мазҳакавии шаҳри Хоруғ хотирмон гардид
ХОРУҒ, 31.01.2024. /АМИТ «Ховар»/. Соли 2023 барои ҳунармандони Театри мусиқӣ-мазҳакавии шаҳри Хоруғ ба номи Меҳрубон Назаров соли бобарор буд. Дар ин сол ҳам дар барномаҳои консертӣ ва ҳам намоишҳо тамошобинони зиёде иштирок доштанд. Соли гузашта бештар аз 7 ҳазор тамошобин ба театр омад, ки аз ин ҳисоб 200 ҳазор сомонӣ ба буҷаи театр маблағ ворид шуд. Дар ин хусус сардори Раёсати фарҳанги Вилояти Мухтори Кӯҳистони Бадахшон Гулдасташоҳ Амрихонов зимни нишасти матбуотӣ ба хабарнигорон иттилоъ дод.
Сардори Раёсати фарҳанги вилоят гуфт, ки соли гузашта бо кумаки мақомоти иҷроияи ҳокимияти давлатии вилоят нахустин маротиба ба вилоятҳои Хатлону Суғд сафари ҳунарии мукаммал анҷом дода шуд. Ба гуфтаи ҳунармандон, дар ҳамаи шаҳру ноҳияи ин минтақаҳо онҳоро хеле гарму самимӣ истиқбол гирифтанд. Ҳунармандони театр ба ин сафари ҳунарӣ чанд моҳ омодагӣ дида, барномаи мусиқӣ-адабӣ ва порчаҳо аз чанд намоишро таҳия ва пешкаши сокинони вилоятҳои Суғду Хатлон гардониданд.
Ҳамчунин дар ин сол ҳунармандони театри вилоятӣ дар Фестивал-озмуни ҷумҳуриявии “Парасту” бо намоиши “Савдо” иштирок намуда, мақоми сеюмро гирифтанд.
Ҷоиза барои “Беҳтарин нақши мардона” ба Ҳунарманди шоистаи Тоҷикистон Ҷобиршо Хубоншоев, ки дар ин намоиш нақши асосиро бозид, дода шуд.
АКС: АМИТ «Ховар»
4 лоиҳаи ҳифзи мероси фарҳангии Тоҷикистон аз ҷониби Иттиҳоди байналмилалии ҳифзи мерос дастгирӣ ёфт
Бахшида ба баргузории Муколамаи занони Осиёи Марказӣ дар Тоҷикистон барномаи фарҳангӣ доир шуд
Бахшида ба 570-солагии Камолиддини Беҳзод конференсияи байналмилалӣ баргузор мегардад
Аъзои ҲХДТ намоиши «Достони Сиёвуш»-и «Шоҳнома»-ро тамошо намуданд
Байни китобхонаҳои миллии Тоҷикистон ва Туркия Ёддошти тафоҳум ба имзо расид
Ҳайати ҳунарии Театри давлатии академии опера ва балет дар Операи Рим ҳунарнамоӣ менамояд
ҲУКУМАТИ ЭЛЕКТРОНӢ. Дар Китобхонаи миллии Тоҷикистон беш аз 3 миллион нусхаи чопӣ нигоҳдорӣ мешавад
РУШДИ ҲУНАРҲОИ МАРДУМӢ. Дар Тоҷикистон сабадбофӣ бо шакли муосир рушд меёбад
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Оид ба муоширати бисёрфарҳангӣ, нақши забонҳо, адабиёт ва илм дар рушди ҷомеаи муосир конфронси байналмилалӣ доир шуд
Намояндаи Тоҷикистон дар Анқара дастовардҳои китобдорӣ ва рақамикунонии Тоҷикистонро муаррифӣ намуд
«ТОҶИКИСТОН». Таҳти чунин унвон дар Ҷумҳурии Арабии Миср маҷалла бо забони арабӣ нашр гардид
