ОБОДОНӢ ДАР МАҲАЛ. Сокинони деҳаи Бӯстони ноҳияи Шаҳринав пули пиёдагузар бунёд намуданд
ШАҲРИНАВ, 23.01.2024 /АМИТ «Ховар»/. Ба истиқболи ҷашни 35-солагии Истиқлоли давлатӣ сокинони заҳматпешаи деҳаи Бӯстони Ҷамоати деҳоти ба номи А.Ҳасанови ноҳияи Шаҳринав бо азму иродаи баланд дар канори пули мошингузари роҳи асосӣ як пули пиёдагузари дарозиаш 28 метр ва паҳноияш 1,5 метр бунёд намуда, ба хотири бехатарии кӯдакону сокинон онро панҷарабандӣ намуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Шаҳринав иттилоъ доданд.
Дар ин масир ду пули мошингузари васеъ сохта шуда, сохтмони як пули дигар идома дорад. Масъулини ҷамоат ба нақша гирифтаанд, ки дар дигар деҳаҳо низ ин иқдомро амалӣ намоянд.
Ҳамчунин сокинони дигар ҷамоатҳои шаҳраку деҳоти ноҳия бо ҳисси баланди ватандӯстӣ пайи ободиву созандагӣ ва тозакории маҳалли зист камари ҳиммат баста, тариқи ҳашарҳои умумӣ роҳҳои маҳаллиро навсозӣ ва ҷӯйборҳои канори роҳҳои байни кӯчаҳоро барқарор менамоянд.
Тибқи иттилои масъулини Мақомоти иҷроияи ҳокимияти давлатии ноҳияи Шаҳринав, бо дастури раиси ноҳия корҳои ободониву созандагӣ ва ободу зебо гардонидани маркази ноҳия махсусан дар Ҷамоати деҳоти Шаҳринав, ки таҷассуми симои ноҳия мебошад, бо маром идома доранд. Сокинони ин ҷамоат ободониву хуррамгардонӣ, гулзорнамоию асфалтпӯшкунӣ, рангу бори кӯчаҳо ва дигар тадбирҳои заруриро пешаи худ қарор додаанд.
АКС: Мақомоти иҷроияи ҳокимияти давлатии ноҳияи Шаҳринав
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳристон бо лоиҳаи сармоягузорӣ барои бунёди комплекси сайёҳии Шаҳристон — эко резорт шинос шуданд
Пешвои миллат Эмомалӣ Раҳмон дар ноҳияи Шаҳристон тариқи фосилавӣ 7 иншооти иқтисодию иҷтимоиро мавриди истифода қарор доданд
Сарвари давлат Эмомалӣ Раҳмон ба ноҳияи Шаҳристон ташриф оварданд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Президенти Ҷумҳурии Тоҷикистон Эмомалӣ Раҳмон дар ноҳияи Айнӣ ба таври фосилавӣ 10 иншоотро мавриди истифода қарор доданд
Пешвои миллат Эмомалӣ Раҳмон дар ноҳияи Айнӣ Корхонаи истеҳсоли сурмаро ифтитоҳ намуданд
Ба истиқболи 35-солагии Истиқлоли давлатӣ бинои беназир дар минтақа — Театри миллии Тоҷикистон ба истифода дода мешавад
