ҶОМИ ОСИЁ-2023. Дастаи мунтахаби Тоҷикистон дар даври сеюм бо дастаи мунтахаби Лубнон бозӣ менамояд

Январь 19, 2024 14:17

ДУШАНБЕ, 19.01.2024 /АМИТ «Ховар»/. 22 январ дар варзишгоҳи «Ал-Байт»-и шаҳри Давҳа бозии даври сеюми марҳилаи гурӯҳии Ҷоми Осиё-2023 оид ба футбол байни дастаҳои мунтахаби Тоҷикистон ва Лубнон баргузор мегардад. Дар ин хусус шореҳи варзиши АМИТ «Ховар» хабар медиҳад.

Дастаи мунтахаби Тоҷикистон оид ба футбол дар даври дуюми марҳилаи гурӯҳии Ҷоми Осиё-2023 аз дастаи мунтахаби Қатар мағлуб шуд. Ин бозӣ шоми 17 январ дар варзишгоҳи «Ал-Байт»-и шаҳри Давҳа баргузор шуда, бо ҳисоби 0:1 анҷом ёфт. Бозии дигари гурӯҳ байни дастаҳои мунтахаби Чин ва Лубнон бо ҳисоби мусовӣ (0:0) анҷом ёфта буд.

Ёдовар мешавем, ки дастаи мунтахаби Тоҷикистон дар қисми финалии Ҷоми Осиё-2023 дар гурӯҳи «А», ки дар Қатар идома дорад, дар бозии аввал бо дастаи мунтахаби Чин бозиро мусовӣ намуд. Бозии ин дастаҳои мунтахаб 13 январ дар варзишгоҳи «Абдулло бин Халифа»-и шаҳри Давҳа баргузор шуда, бо натиҷаи мусовии 0:0 анҷом ёфт.

Дастаи мунтахаби Қатар дар даври аввал бо ҳисоби 3:0 дастаи мунтахаби Лубнонро шикаст дода буд. Ҳамчунин дар даври сеюм 22 январ дастаи мунтахаби Чин бо дастаи мунтахаби Қатар бозӣ менамояд.

Пас аз дар даври дуюм дастаи мунтахаби Қатар бо 6 имтиёз дар гурӯҳ мақоми аввалро соҳиб шудааст. Дастаи мунтахаби Чин бо 2 имтиёз дар мақоми дуюм ва дастаҳои мунтахаби Тоҷикистон ва Лубнон бо 1-имтиёзӣ дар мақомҳои сеюму чаҳорум қарор гирифтаанд.

Бояд гуфт, ки аз ҳар гурӯҳ дудастаӣ ва инчунин чаҳор дастаи беҳтарин аз байни ҷойҳои сеюм ба даври 1/8-ниҳоии Ҷоми Осиё-2023 роҳ меёбанд.

АКС: Федератсияи футболи Тоҷикистон

Январь 19, 2024 14:17

Хабарҳои дигари ин бахш

Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад