ҶОМИ ОСИЁ-2023. Дастаи мунтахаби Тоҷикистон дар ин мусобиқа чӣ миқдор даромад ба даст оварда метавонад?
ДУШАНБЕ, 11.01.2024. /АМИТ «Ховар»/. Маблағи умумии ҷоизаҳои Ҷоми Осиё, ки 12 январи соли равон дар Қатар оғоз мегардад, 14,8 миллион долларро ташкил медиҳад. Дастаи ғолиб дар он соҳиби 5 миллион доллар мешавад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Дар умум дастаҳои иштироккунандаи Ҷоми Осиё ба ин тарз маблағ ба даст меоваранд:
Ғолиби мусобиқа 5 миллион доллар, иштироккунандагони даври ниҳоӣ 3 миллион доллар, иштирокунандагони даври нимниҳоӣ 1 миллион доллар ва ҳар дастаи иштирокдори Ҷоми Осиё бо 200 ҳазор доллар сарфароз мегардад.
Дастаи мунтахаби Тоҷикистон оид ба футбол бори нахуст аст, ки дар Ҷоми Осиё иштирок менамояд.
Хотиррасон мешавем, ки дастаи мунтахаби Тоҷикистон дар бозии аввали марҳилаи гурӯҳӣ 13 январ бо дастаи мунтахаби Чин дар варзишгоҳи «Абдулло бин Халифа» рақобат менамояд.
Дастаи мунтахаби Тоҷикистон дар даври дуюми марҳилаи гурӯҳӣ 17 январ бо мизбони мусобиқот- дастаи мунтахаби Қатар дар варзишгоҳи бошукӯҳи «Ал-Байт» ва 22 январ бо дастаи мунтахаби Лубнон дар варзишгоҳи «Ал-Тумама» –и шаҳри Давҳа рақобат менамояд.
Ҷоми Осиё – 2023 дар Қатар аз 12 январ то 10 феврал байни 24 дастаи мунтахаб баргузор мегардад.
АКС: Федератсияи футболи Тоҷикистон
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
