Абдухалил Ғафурзода ба ҳайси Намояндаи ваколатдори Тоҷикистон дар Ассамблеяи парлумонии СААД ба фаъолият шуруъ намуд
ДУШАНБЕ, 15.02.2024 /АМИТ «Ховар»/. Дар Қароргоҳи Ассамблеяи парлумонии Созмони Аҳдномаи амнияти дастҷамъӣ (АП СААД) дар Санкт-Петербург вохӯрии Котиби масъули Ассамблеяи парлумонии Созмони Аҳдномаи амнияти дастҷамъӣ Сергей Поспелов бо Намояндаи ваколатдори Маҷлиси Олии Ҷумҳурии Тоҷикистон дар Ассамблеяи парлумонии Созмони Аҳдномаи амнияти дастҷамъӣ (АП СААД) Абдухалил Ғафурзода баргузор гардид. Дар ин хусус АМИТ «Ховар» бо истинод ба сомонаи Ассамблеяи парлумонии Созмони Аҳдномаи амнияти дастҷамъӣ иттилоъ медиҳад.
Зимни мулоқот нақшаи кор барои соли 2024 ва дурнамои рушди фаъолияти муштарак дар доираи Ассамблея бо ҳамтоёни тоҷик баррасӣ гардид.
Тавре Сергей Поспелов иттилоъ дод, дар ҷараёни мулоқот ҳамчунин масъалаҳои вусъат бахшидани ҳамкорӣ оид ба ҷузъи академии кор бо санадҳои намунавӣ баррасӣ шуд. Дар айни замон ба имзо расонидани созишномаҳои ҳамкорӣ бо якчанд донишгоҳи олии Тоҷикистон омода мешавад.
Ёдовар мешавем, ки Абдухалил Ғафурзода охири моҳи январи соли 2024 дар мувофиқа бо Президенти Ҷумҳурии Тоҷикистон Эмомалӣ Раҳмон ба ҳайси Намояндаи ваколатдори Маҷлиси Олии Ҷумҳурии Тоҷикистон дар Ассамблеяи парлумонии Созмони Аҳдномаи амнияти дастҷамъӣ (АП СААД) таъйин гардид.
Абдухалил Ғафурзода аз соли 2019 дар вазифаи ректори Академияи идоракунии давлатии назди Президенти Ҷумҳурии Тоҷикистон фаъолият менамуд. Номбурда ҳамчунин узви шурои диссертатсионӣ дар донишгоҳҳои давлатии Санкт-Петербург ва Қирғизистон мебошад.
АКС: Ассамблеяи парлумонии Созмони Аҳдномаи амнияти дастҷамъӣ (АП СААД)
Тоҷикистону Чин робитаҳои байнипарламентиро густариш медиҳанд
ПАРЛАМЕНТ ВА ДИПЛОМАТИЯИ МИЛЛӢ: 35 СОЛИ ТАҶРИБАИ ДАВЛАТДОРИИ МУСТАҚИЛИ ТОҶИКИСТОН. Андешаҳои муовини Раиси Маҷлиси намояндагон Мавсума Муинӣ
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
Вакили Маҷлиси намояндагон бо фаъолони ноҳияи Шамсиддин Шоҳин вохӯрӣ намуд
Вакилони Маҷлиси намояндагон бо фаъолони ноҳияи Фирдавсӣ вохӯрӣ намуданд
