Арзиши 1 метри мураббаъ манзили истиқоматӣ дар Тоҷикистон ба ҳисоби миёна 440 доллари ИМА-ро ташкил медиҳад
ДУШАНБЕ, 06.02.2024 /АМИТ «Ховар»/. Арзиши 1 метри мураббаъ манзили истиқоматӣ дар Ҷумҳурии Тоҷикистон ба ҳисоби миёна 440 доллари ИМА-ро ташкил медиҳад. Дар шаҳри Душанбе ба ҳисоби миёна он 673 долларро дар бар мегирад. Дар ин хусус 5 феврал Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода иттилоъ дод.
Иттилоъ дода шуд, ки дар ноҳияи Синои пойтахт ин меъёр моҳи июни соли 2023 607 доллар буд, имрӯз он 580 долларро ташкил медиҳад.
Ҳамзамон Низом Мирзозода изҳор дошт, ки нархи хонаҳои истиқоматӣ дар ҷумҳурӣ аз баландии ошёнаҳои бино низ вобаста аст. Зеро ҳар қадаре ки ошёна баландтар бошад, нарх арзонтар мешавад.
Мавсуф изҳор дошт, ки арзиши 1 метри мураббаъ манзили истиқоматии мо нисбат ба Русия, Қазоқистон, Молдова, Арманистон, Қирғизистон, Узбекистон арзонтар аст. Он дар Русия 4042, Беларус-1544, Молдова -912, Қазоқистон- 998, Озарбойҷон-1148, Узбекистон-775, Қирғизистон-635 долларро ташкил медиҳад.
Соли 2023 дар Ҷумҳурии Тоҷикистон ба масоҳати умумии 1 миллиону 737 ҳазор метри мураббаъ хонаҳои истиқоматӣ ба истифода дода шуданд, ки нисбат ба ҳамин давраи соли 2022 2,1 фоиз зиёд мебошад.
Шаҳлои САДРИДДИН,
АМИТ «Ховар»
АКС аз бойгонӣ
МАСЛИҲАТИ МУТАХАССИС. Истеъмоли хӯроки вазнин боиси авҷи бемории гастрит мегардад
«ПУЛИ ҲУШМАНД». Бо амалӣ гардидани ин барнома қонуншиканӣ ё истифодаи нафақаи шахси фавтида аз байн рафт
Дар шаҳри Бохтар бо иштироки собиқадорони соҳаи тандурустӣ ҳамоиш доир шуд
Дар Тоҷикистон беш аз 200 нафақагири аз садсола боло зиндагӣ мекунад
Дар ноҳияи Шоҳмансур Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
НИШАСТИ МАТБУОТӢ. Соли 2025 хароҷоти суғуртаи иҷтимоӣ ва нафақа беш аз 5 миллиард сомониро ташкил дод
НИШАСТИ МАТБУОТӢ. Шумораи сабти асноди ҳолати шаҳрвандӣ зиёд гардида, бекоршавии ақди никоҳ коҳиш ёфтааст
«Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030» қабул гардид
НИШАСТИ МАТБУОТӢ. Барои риоя накардани танзими ҷашну маросим 1268 нафар беш аз 10 миллион сомонӣ ҷарима супориданд
ИМРӮЗ — РӮЗИ БАЙНАЛМИЛАЛИИ ПЕШГИРИИ ЭКСТРЕМИЗМИ ХУШУТАНОМЕЗ. Пешгирии ин зуҳурот омили муҳими таъмини амнияти ҷомеа аст
Дар Душанбе оид ба моддаҳои психотропӣ ва таъсири онҳо ҷаласаи корӣ баргузор гардид
Намояндагони Тоҷикистон дар Конгресси байналмилалии Москва оид ба рушди хизмати давлатӣ иштирок намуданд
