Дар шаҳри Гулистон озмуни «Кадбонуи беҳтарин» баргузор шуд
ДУШАНБЕ, 28.02.2024 /АМИТ «Ховар»/. Дар шаҳри Гулистони вилояти Суғд бо иштироки муассисаву ташкилот озмуни шаҳрии «Кадбонуи беҳтарин» баргузор гардид, хабар медиҳад АМИТ «Ховар» бо истинод ба хадамоти матбуоти Раиси шаҳри Гулистон.
Муовини Раиси шаҳр Ғайрат Оқилзода ҳадафи баргузории озмунро эҳёи таомҳои милливу маҳаллии аз байнрафта, ривоҷ додани пухтани таомҳои миллӣ, баланд бардоштани маърифати дастархонороӣ, шиносоӣ ба таъриху фарҳанг ва тамаддуни миллӣ арзёбӣ намуд.
Кадбонуҳо намудҳои гуногуни хӯрок, шириниҳои гуногун, нону дигар маҳсулоти нониро ба намоиш гузошта, пешкаши ҳайати ҳакамон гардониданд.
Аз рӯйи баҳодиҳии ҳайати ҳакамон ғолибон муайян гардида, бо диплом ва туҳфаҳои хотиравӣ қадрдонӣ шуданд.
Санъаткорони бахши фарҳанги шаҳр барои иштирокдорон барномаи фарҳангӣ пешкаш намуданд.
Бояд гуфт, ки ҳадафи баргузор намудани озмуни «Кадбонуи беҳтарин»- ҷалб намудани занону духтарони ҳунарманд, кадбонуҳои соҳибзавқ ба эҳё ва рушди анъанаҳои миллӣ, баланд бардоштани маърифати хонадорӣ, омода намудани духтарон ба ҳаёти мустақилона, эҳё ва ҳифзу нигоҳдошти беҳтарин суннатҳои миллии ниёгонамон дар самти омода намудани хӯрокҳои миллӣ, хӯришҳои болаззат, таомҳои маҳаллӣ ва баланд бардоштани завқи кадбонугӣ мебошад.
АКС: Хадамоти матбуоти Раиси шаҳри Гулистон
Президенти Тоҷикистон Эмомалӣ Раҳмон ҷавононро ба ҳифзи истиқлолу арзишҳои миллӣ даъват намуданд
«ҶАВОНОН — МУАРРИФИ ФАРҲАНГИ МИЛЛӢ». Дар Бохтар бахшида ба Рӯзи ҷавонон ҳамоиши идона баргузор гардид
Дар Норак ҷавонони фаъол қадрдонӣ шуданд
Дар шаҳри Турсунзода Рӯзи ҷавонон таҷлил гардид
Сарвари давлат Эмомалӣ Раҳмон: «Танҳо давлатҳои дорои ҷавонони босаводу ватандӯст пойдор мемонанд»
ТОҶИКИСТОН КИШВАРИ ҶАВОНОН АСТ. Иқтибосҳо аз суханрониҳои Сарвари давлат бахшида ба Рӯзи ҷавонон
РӮЗИ ҶАВОНОНИ ТОҶИКИСТОН. Имрӯз дар Майдони Истиқлоли шаҳри Душанбе Шоу – барномаи консертии идона баргузор мегардад
Ҳайати Тоҷикистон дар вохӯрии аъзои Комиссияи идоракунии лоиҳаи JDS иштирок намуд
23 МАЙ — РӮЗИ ҶАВОНОНИ ТОҶИКИСТОН. Онҳо неруи асосии пешбарандаи ҷомеа ва омили муҳими суботи сиёсӣ мебошанд
Ҷамолиддин Абдуллозода дар ҷаласаи пленарии иҷлосияи 79-уми Маҷмаи умумиҷаҳонии тандурустӣ иштирок намуд
Дар Рашт ҷаласаи навбатии Шурои ҷамъиятии Ҷумҳурии Тоҷикистон баргузор гардид
