Дар «Тоҷикфилм» Рӯзи Қувваҳои Мусаллаҳи Ҷумҳурии Тоҷикистонро таҷлил намуданд

Февраль 22, 2024 17:00

ДУШАНБЕ, 22.02.2024 /АМИТ «Ховар»/. Дар кинотеатри ба номи Тоҳир Собиров бахшида ба Рӯзи Қувваҳои Мусаллаҳи Ҷумҳурии Тоҷикистон бо иштироки роҳбарият ва кормандони Муассисаи давлатии «Тоҷикфилм», намояндагони Кумитаи иҷроияи Ҳизби Халқии Демократии Тоҷикистон дар ноҳияи Шоҳмансури шаҳри Душанбе ҳамоиши ҷашнӣ баргузор гардид. Дар ин хусус АМИТ «Ховар» бо истинод ба маъмурияти «Тоҷикфилм» хабар медиҳад.

Роҳбарияти «Тоҷикфилм» ва намояндагони ҳизб доир ба таъсис ва таҳкими ҷузъу томҳои Артиши миллӣ ибрози назар намуданд.

Иброз гардид, ки Қувваҳои Мусаллаҳи Ҷумҳурии Тоҷикистон бо ташаббусу дастгирии Пешвои миллат муҳтарам Эмомалӣ Раҳмон  дар шароити ниҳоят мураккабу ҳассос таъсис ёфта, ҳоло ба сохтори мукаммалу боэътимод ва муназзаму муосир мубаддал гаштааст.

Маҳз бо ибтикор ва кӯшишҳои хастагинопазири Пешвои миллат Қувваҳои Мусаллаҳ  бе ягон мероси низомӣ бунёд шуда, Артиши воқеан миллӣ гардид ва имрӯз дар фазои сулҳу амният сокинони Тоҷикистони соҳибистиқлол ҷиҳати амалисозии сиёсати бунёдкорона ва хирадмандонаву дурбинонаи Президенти Ҷумҳурии Тоҷикистон содиқонаву софдилона меҳнат менамояд.

Таъкид гардид, ки хизмат дар сафи Қувваҳои Мусаллаҳ барои ҳар фарди соҳибватан мояи ифтихор буда, қарзи шаҳрвандию инсонии ҷавонону бонангу номуси тоҷик ба шумор меравад.

Дар идома кормандони фаъоли Муассисаи давлатии «Тоҷикфилм» аз ҷониби намояндагони Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур ва роҳбарияти Муассисаи давлатии «Тоҷикфилм» бо мукофотҳои соҳавӣ қадрдонӣ шуданд.

АКС: Муассисаи давлатии «Тоҷикфилм»

Февраль 22, 2024 17:00

Хабарҳои дигари ин бахш

СОЛИ МАЪРИФАТИ ЭКОЛОГӢ. Зимни гузаронидани ҳашари «Тозагии ҳаво» зиёда аз 1900 нақлиёти ифлос сабт шуд
Дар Коллеҷи тиббии шаҳраки Оби Гарми Роғун доир ба пешгирии терроризм конференсияи илмӣ баргузор гардид
Раиси Кумитаи ҳифзи муҳити зисти Тоҷикистон бо ниҳолхонаи бахши ҳифзи муҳити зист дар Шаҳристон шинос шуд
ҶАВОНОНИ БАДАХШОН-ПАЙРАВОНИ ПЕШВОИ МИЛЛАТ. Бо донишҷӯёни Донишгоҳи давлатии Хоруғ мулоқот доир гардид
Дар доираи Ҳафтаи илм дар Институти фалсафа, сиёсатшиносӣ ва ҳуқуқ конфронси ҷумҳуриявӣ баргузор гардид
Кишоварзони шаҳри Панҷакент азм доранд майдони кишти картошкаро ба 5 ҳазор гектар расонанд
Дар Боку Форуми VI умумиҷаҳонии муколамаи байнифарҳангӣ баргузор мешавад
БО УСУЛИ «ХОНА БА ХОНА». Дар шаҳри Левакант суҳбат ва корҳои фаҳмондадиҳӣ гузаронида шуданд
ОБОДОНӢ ДАР МАҲАЛ. Дар Ҷамоати деҳоти Кӯлоб пули нав ба истифода дода мешавад
Дар кооперативҳои тиҷоратӣ ва хоҷагиҳои деҳқонии шаҳри Кӯлоб кишти пунбадона оғоз гардид
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Дар шаҳри Ҳисор ҷараёни татбиқи яке аз қонунҳои миллии мамлакат баррасӣ гардид