Намояндагони ноҳияи Исмоили Сомонӣ ва як гурӯҳ модарон ба дидорбинии сарбозон рафтанд

ДУШАНБЕ, 22.02.2024. /АМИТ «Ховар»/. Бахшида ба  Рӯзи Қувваҳои Мусаллаҳи Ҷумҳурии Тоҷикистон бо иштироки намояндагони Мақомоти иҷроияи ҳокимияти давлатии ноҳияи Исмоили Сомонӣ ва як гурӯҳ модарон дар қисми ҳарбии Вазорати мудофиаи Ҷумҳурии Тоҷикистон ҳамоиши идона доир гардид, хабар доданд ба АМИТ «Ховар» дар ноҳияи Исмоили Сомонӣ.

Кормандони мақомот ва модарон ба дидорбинии сарбозон бо дастовези идона- нону шириниҳо рафта, бо вазъи хизмат дар сафи Артиши миллӣ аз наздик шинос шуданд.

Муовини раиси ноҳия Илҳом Мусозода оид ба муҳайё гардидани шароити мусоиди хизмат дар сафи Қувваҳои Мусаллаҳи Ҷумҳурии Тоҷикистон зери роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ибрози назар намуда, афсаронро  ба хизмати содиқона намудан ба миллату Ватан даъват намуд.

Дар идома меҳмонон бо шароити хизмат  дар қисми низомӣ шинос шуданд.

    АКС: Мақомоти иҷроияи ҳокимияти давлатии ноҳияи Исмоили Сомонӣ